සත්කාරක ශ්‍රී ලංකා කණ්ඩායම පළමු ටෙස්ට් තරගයෙන් පරාජයට පත් කිරීම සඳහා සංචාරක නවසීලන්ත කණ්ඩායම මේ වනවිට (22) ලකුණු 275ක ඉලක්කයක් හඹා යෑම ආරම්භ කර තිබෙනවා.
තරගයේ කාසියේ වාසිය දිනා ශ්‍රී ලංකා කණ්ඩායම පළමු ව පන්දුවට පහරදුන් අතර පළමු ඉනිම වෙනුවෙන් ඔවුන් සියල්ලන් දැවී ලකුණු 305ක් රැස් කළා.
ඊට පිළිතුරු ඉනිම නවසීලන්තය සිය පළමු ඉනිමට ශ්‍රී ලංකා කණ්ඩායමට වඩා ලකුණු 35ක් පමණ ඉදිරියෙන් සිටිමින් සියල්ලන් දැවී ලකුණු 340ක් ලබා ගත්තා.
සිය දෙවැනි ඉනිම අරඹමින් ශ්‍රී ලංකා කණ්ඩායම සියලු දෙනා දැවී ලකුණු 309ක් ලබාගත් අතර ඒ අනුව නවසීලන්ත කණ්ඩායමට ජයග්‍රහණය සඳහා ලකුණු 275ක ඉලක්කයක් හිමිවුණා.
තරගයේ තෙවැනි ඉනිම ක්‍රීඩා කරන නවසීලන්ත කණ්ඩායම ලකුණු 275ක ඉලක්කයක් තරගය ජයග්‍රහණය සඳහා පිතිකරණයේ යෙදෙමින් සිටින අතර ඔවුන් කඩුලු 03ක් දැවී පසුවන්නේ ලකුණු 95ක් ලෙසයි.
සිව්වැනි කඩුල්ලට පිටියෙහි රැඳී සිටින්නේ රචීන් රවීන්ද්‍ර සමගින් ඩැරිල් මිචෙල්.
නවසීලන්තයේ මුල් කඩුලු 03 පිළිවෙළින් අසිත ප්‍රනාන්දු, රමේෂ් මෙන්ඩිස් සහ ප්‍රභාත් ජයසූරිය විසින් බිඳ දමනු ලැබුවා.
