තරග 05කින් සමන්විත එංගලන්ත – කොදෙව් පන්දුවාර 20 ක්රිකට් තරගාවලියේ සිව්වැනි තරගය ජය ගන්නට කොදෙව් කණ්ඩායම ඊයේ (16) සමත් වුණා.
Gros Islet හි දී පැවැත්වුණු දෙරට අතර තරගයේ කාසියේ වාසිය දිනූ කොදෙව්වන් පළමු ව පන්දුවට පහරදීමට එංගලන්තයට ඇරයුම් කළා.
ඇරයුම පිළිගත් එංගලන්තය සිය පන්දුවාර 20 අවසානයේ දී කඩුලු 05ක් දැවී දැවැන්ත ලකුණු 218ක් නිර්මාණය කළේ කොදෙව්වන්ට එය දැවැන්ත අභියෝගයක් බවට පත් කරමින්.
එංගලන්තයෙන් ලද ඉලක්කය පිළිගත් කොදෙව්වන් සිය පන්දුවාර 20 අවසන් වීමටත් පෙර තරගය ජයගත්තේ කඩුලු 05ක් පමණක් දැවී ලකුණු 221ක් ලබා ගනිමින්.
විශිෂ්ට ඉනිමක් දියත් කළ කොදෙව් එවින් ලුවිස් ලකුණු 68ක් සහ පන්දු 24ක දී වේගවත් ලකුණු 54ක් රැස් කළා.
නායක පවල් ලකුණු 38ක් සහ රදර්ෆර්ඩ් නොදැවී ලකුණු 29ක් ලබා ගත්තා.
කඩුලු බිඳ දැමීමේ දී එංගලන්තය වෙනුවෙන් රෙහාන් අහමඩ් කඩුලු 03ක් සහ ජෝන් ටර්නර් එක් කඩුල්ලක් බිඳ දැමුවා.
තරගයේ වීරයා සම්මානය වේගවත් ලකුණු 54ක් ලබාගත් ශායි හෝප් විසින් දිනාගත්තා.
දෙරට අතර පැවැත්වෙන අවසන් පන්දුවාර 20 තරගය හෙට (18) පැවැත්වීමට නියමිතයි.
