පන්දුවාර 20-20 ලෝක කුසලාන තරගාවලියේ ඊයේ පැවති තරගයකින් නේපාල කණ්ඩායම පරාජය කර ජයග්‍රහණය වාර්තා කිරීමට නෙදර්ලන්ත කණ්ඩායමට හැකියාව හැකියාව ලැබුණා.
නේපාල කණ්ඩායම පරාජය කරමින් නෙදර්ලන්තය මෙම තරගය ජයගත්තේ කඩුලු 06කින්.
මේ වනවිට නේපාල ජනතාව අතර ක්‍රිකට් ක්‍රීඩාව කෙරෙහි ඇති උනන්දුව ඉහළ ගොස් තිබෙනවා.
ක්‍රිකට් ක්‍රීඩාව කෙරෙහි එවැනි සුබවාදී වාතාවරණයක් නේපාලය තුළ පවතින පසුබිමක නේපාල කණ්ඩායම ඊයේ සහභාගී වූ ලෝක කුසලානයේ පළමු තරගය නැරඹීමට විශාල ප්‍රේක්ෂක පිරිසක් කත්මන්ඩු නුවරට රැස්ව සිටියා.
නේපාල ක්‍රිකට් කණ්ඩායමට සහාය පළ කිරීම සඳහා කත්මණ්ඩු නුවර දී පුළුල් තිර ඔස්සේ තරගය සජීවීව නැරඹීමට ලබා දී තිබූ අවස්ථාවට දස දහස් සංඛ්‍යාත ප්‍රේක්ෂක පිරිසක් එක්රැස්ව සිටි බවයි විදෙස් මාධ්‍ය වාර්තා කළේ.
කෙසේ වෙතත් නේපාල කණ්ඩායම සහභාගී වූ තරගය පරාජයවීමෙන් පසු කත්මන්ඩු නුවරට රැස්ව සිටි ප්‍රේක්ෂකයින් කණගාටුදායක මුහුණින් පිටව ගිය බවයි එම වාර්තා වැඩිදුරටත් සඳහන් කරන්නේ.
