නෙළුම් කුළුණට හානි කළ කණ්ඩායමක් මරදාන පොලිසියට

නෙළුම් කුළුණ නැරඹීමට පැමිණ සිටියදී එහි ඉහළ මහලක දේපළවලට අලාභහානි කිරීම සම්බන්ධයෙන් පිරිසක් අද මරදාන පොලිසිය වෙත කැඳවා තිබුණා.

ඔවුන් ඉහළ මාලයේ නැරඹුම් කුටිය අසල පිහිටි කොටස්වලට හානි කරන ආකාරය සී.සී.ටී.වී. මගින් නිරීක්ෂණය කිරීමෙන් අනතුරුවයි ඒ සම්බන්ධයෙන් ප්‍රකාශයක් ලබා ගැනීම සඳහා මෙලෙස පොලිසියට කැඳවා ඇත්තේ.

අද පස්වරුවේ නෙළුම් කුලුණ නැරඹීමට පැමිණි අතරවාරයේ මෙම පිරිස එහි දේපළවලට හානි කර ඇතැයි චෝදනා එල්ලවී තිබෙනවා.