නෙත්මි අහිංසාගෙන් ලක් මාතාවට ලෝකඩ පදක්කමක් (ඡායාරූප)

ලෝක ශූරතා කණිෂ්ඨ මල්ලව පොර තරගාවලියේ කාන්තා කිලෝ ග්‍රෑම් 53 බර පන්තියේ ලෝකඩ පදක්කම දිනාගැනීමට ශ්‍රී ලංකාවේ නෙත්මි අහිංසා සමත් වුණා.

ස්පාඤ්ඤයේ පොන්ටවේද්‍රා නුවර දී පැවැත්වෙන ලෝක ශූරතා කණිෂ්ඨ මල්ලව පොර තරගාවලියේ දී නෙත්මි මෙම ජයග්‍රහණය වාර්තා කළේ අවසන් පූර්ව වටයේ දී වැලරියා මිකිට්සිච් ක්‍රීඩිකාව ලකුණු 06-02ක් ලෙස පරාජය කරමින්.

මෙම තරගාවලියේ අහිංසා සුදුසුකම් ලැබීමේ වටයේ දී කසකස්තානයේ යෙන්ගිලික් කබිල්බෙක් ලකුණු 10-0කින් පරාජය කළ අතර, මූලික අර්ධ අවසන් පූර්ව වටයේ දී බල්ගේරියාවේ නිකොල් ක්‍රසිමිරෝවා 10-0කින් පරාජයට පත් කළා.

අර්ධ අවසන් පූර්ව වටයේ දී ඇය හංගේරියාවේ ලිලියානා කපුවාරි ලකුණු 14-03කින් පරාජය කරමින් අවසන් පූර්ව වටයට පිවිසි අතර, එහිදී චීනයේ ජින් ෂැන්ග් හමුවේ 02-02ක් ලෙස පරාජයට පත් වූ අතර, අනතුරුව ඇය ලෝකඩ පදක්කම වෙනුවෙන් තරග වැදුණා.