අගමැතිට ඉල්ලා අස්වෙන්න යැයි පක්ශයෙන් බලපෑම්
කොවිඩ් වසංගත තත්වය පැවතියදී නිරෝධායන නීති උල්ලංඝනය කරමින් බ්රිතාන්ය අග්රාමාත්ය නිල නිවසේ පවත්වා ඇතැයි කියන සාද සම්බන්ධයෙන් එරට මෙට්රොපොලිටන් පොලිසිය විමර්ශනයක් ආරම්භ කර තිබෙනවා.
2020 වසරේ සිට මෙලෙස නීති කඩවීම් සිදුව ඇති බවටයි තොරතුරු හෙළිවන්නේ.
කෙසේවෙතත් කොපමණ කාලයක් මේ සඳහා ගතවේ දැයි තවමත් අවිනිශ්චිතයි.
ලොක්ඩවුන් තත්වයක් පැවතියදී පවා බි්රතාන්ය අග්රාමාත්ය බොරිස් ජොන්සන් විසින් උපන්දින සාද සහ කාර්යාල සේවකයන් සඳහා සාද පවත්වා ඇතැයිද පසුගියදා අනාවරණය වුණා.
කොවිඩ් රීති පසෙකලා අග්රාමාත්ය නිල නිවස තුළ තම උපන්දිනය සැමරීම සම්බන්ධයෙන් බ්රිතාන්ය අගමැති බොරිස් ජොන්සන් ට එරෙහිව දැඩි විරෝධයක් මතුවෙමින් තිබෙනවා.
2020 ජූනි මාසයේ පැවති උපන්දින සැමරුම සඳහා 30 දෙනෙකු පමණ එක්වී ඇතැයි සඳහන්.
මීට සති කිහිපයට පෙරද මත්පැන් සාදයක් සම්බන්ධයෙන් බොරිස් ජොන්සන් ට චෝදනා එල්ලවූ අතර විරුද්ධ පක්ෂ මන්ත්රීවරුන් අවධාරණය කරන්නේ ඔහු එම ධුරයෙන් ඉල්ලා අස්විය යුතු බවයි.
