නවම් පුර පසළොස්වක පොහොය දිනය අදට (01) යෙදී තිබෙනවා.
බුදුරජාණන් වහන්සේගේ ප්රථම සංඝ සම්මේලනය පවත්වා සැරියුත් මුගලන් හිමිවරුන්ට අගසව් තනතුර පිරිනැමීම මෙන්ම ඕවාද ප්රාතිමෝක්ෂය දේශනා කිරීම අද වැනි පොහොය දිනක සිදුවූ බව බෞද්ධ ඉතිහාසයේ සඳහන්.
තවද බුදුරජාණන් වහන්සේ පිරිනිවන් පෑමට තුන් මසකට පෙර විශාලා නුවර චාපාල චේතිය අසලදී අයු සංස්කාරය අත්හැරීම සිදුකර ඇත්තේද අද වැනි නවම් පොහෝ දිනක බවද බෞද්ධ ඉතිහාසයේ දැක්වෙනවා.
ඒ අනුව අද දිනට යෙදී තිබෙන නවම් පොහොය නිමිත්තෙන් දිවයින පුරා වෙහෙර විහාරවල ආගමික වැඩසටහන් රැසක් පැවැත්වෙනවා.
උතුම් නවම් පුර පසළොස්වක පොහෝ දින පැවැත්වෙන දසත බෝපත වැඩසටන අද දිනය පුරාවට කටාන ශ්රී වර්ධනාරාම මහා විහාර පුදබිම කේන්ද්රගනිමින් පැවැත්වෙනවා.
දසත බෝපත වැඩසටනේ උදෑසන කිරි ආහාර බුද්ධ පූජාමය පිංකම සහ අෂ්ඨාංග උපෝසථ සිල් සමාදන් කරවීම, ගම්පහ දිසාවේ ප්රධාන අධිකරණ සංඝනායක,අමරපුර මූලවංශික පාර්ශවයේ කටාන ශ්රී වර්ධනාරාම මහා විහාරය ඇතුලු විහාර ගණයේ විහාරාධිපති ශ්රාස්ත්රපති විද්යාපති පූජ්ය කරඹේ සුමනතිස්ස නාහිමිපාණන් වහන්සේ විසින් සිදු කරනු ලැබුවා.
අද දිනය පුරාවට පැවැත්වෙන “දසට බෝපත’ පෝදා වැඩසටහනට සහභාගී වීමට මෙන්ම Peo TV නාළිකා අංක 18 ඔස්සේ සහ දසත TV ඩිජිටල් අවකාශය ඔස්සේ සජීවීව නැරඹීමේ හැකියාව පිං කැමති ඔබ සියලු දෙනාට පවතිනවා.
