ශ්රී ලංකාවේ ධීවර කර්මාන්තය නවීකරණය කරන බවත්, ගැඹුරු මුහුදේ ධීවර කටයුතු ප්රවර්ධනය කරන බවත් ධීවර, ජලජ සම්පත් සහ සමුද්ර සම්පත් අමාත්ය රාමලිංගම් චන්ද්රසේකර් මහතා පවසනවා.
ඒ මහතා මේ බව ප්රකාශ කළේ අද (17) දින යාපනයේ – කන්දර්මඩම් ප්රදේශයේ පිහිටි ජාතික ජන බලවේගයේ මහජන සම්බන්ධතා කාර්යාලයේ දී පැවති හමුවක දීයි.
මෙම හමුවට මන්නාරම දිස්ත්රික් ධීවර සමූපකාර සංගමයේ සභාපති රාජා කෲස්, මන්නාරම දිස්ත්රික් ධීවර සමූපකාර සංගමයේ ලේකම් මොහොමඩ් ආලම් සහ උතුරු පළාත් ධීවර සංගමයේ මාධ්ය ප්රකාශක අන්නලිංගම් අන්නාරාසා යන මහත්වරුන් ද එක් වුණා.
මෙහිදී මන්නාරම දිස්ත්රික්කයේ තමිල්නාඩු ධීවරයින් විසින් සිදු කරන ලද අනවසර ධීවර කටයුතු හේතුවෙන් ඇති වූ බලපෑම්, ධීවර පනතට ගෙන එන ලද සංශෝධන කෙටුම්පත සහ අනවසර විදුලි රැහැන් සවිකීරීම් සහ විදුලි සැර වැදීමේ ක්රියාකාරකම් පිළිබඳව සාකච්ඡා පැවැත්වුණා.
ඊට අමතරව, අමාත්යවරයා විසින් ඉන්දීය ධීවරයින්ගේ නීතිවිරෝධී ට්රෝලර් යාත්රා ක්රම හෙළිදරව් කරන වාර්තා චිත්රපටයක් ජනාධිපති අනුර කුමාර දිසානායක මහතා වෙත පිළිගැන්වීම ද සිදු කෙරුණා.
