සංචාරකයින් පිරිසක් සඳහා දුම්රියක් තුළ දී සම්බාහන පහසුකම් සපයන අයුරු දැක්වෙන වීඩියෝවක් මේ වනවිට සමාජ මාධ්යයේ සංසරණය වනවා.
මෙම වීඩියෝව සම්බන්ධයෙන් මේ වනවිට දුම්රිය දෙපාර්තමේන්තුවේ අවදානය යොමුව ඇති බවයි දුම්රිය සාමාන්ය අධිකාරීවරයා පැවසුවේ.
මෙම ක්රියාව හේතුවෙන් දුම්රියට යම් අලාභ හානියක් සිදු වී ඇත්දැයි පරීක්ෂා කිරීමට දුම්රිය දෙපාර්තමේන්තුව මේ වන විටත් පියවර ගෙන ඇති බවයි ඔහු සඳහන් කළේ.
එම පරීක්ෂා කිරීමේ දී යම් අලාභ හානියක් සිදුව ඇත්නම් එය දුම්රිය ලබාගත් ආයතනවලින් අයකර ගැනීමට ක්රියාමර්ග ගන්නා බව ද දුම්රිය සාමාන්යධිකාරිවරයා මාධ්ය හමුවේ අද (17) සඳහන් කළා.
පෞද්ගලික ආයතනයක් මුදල් ගෙවා මෙම දුම්රිය වෙන්කරවාගෙන මෙම සම්බාහන සේවාව පත්වා ඇති බවයි අනාවරණය වී ඇත්තේ.
කෙසේ වෙතත් මෙම සම්බාහන සේවාව සම්බන්ධයෙන් දුම්රිය දෙපාර්තමේන්තුව දැනුවත් කර නොමැති බවයි වාර්තා වන්නේ.
කෙසේ වෙතත් සාමාන්ය දුම්රියක මෙම ක්රියාව සිදුවන නොමැති බවත්, මුදල් ගෙවා වෙන්කර ගත් විශේෂ දුම්රියක් තුළ මෙය සිදුව ඇති බවත් දුම්රිය සාමාන්ය අධිකාරීවරයා වැඩිදුරටත් සඳහන් කර සිටියා.
