පසුගියදා නිවසක අටවා තිබූ අනවසර විදුලි රැහැනක ගැටීමෙන් ජීවිතක්ෂයට පත් වූ කලාවැව එළිය කළ දළ හස්තියා යන නමින් විදෙස් සංචාරකයින්ගේ ආකර්ෂණයට පාත්ර වූ දීඝදන්තු 01 හස්තියා සිහිපත් කරමින් සාංඝික දානයක් සිදු කර තිබෙනවා.
පසුගියදා ආඬියාගම – හිඟුරුවැව ප්රදේශයේ දී මියගිය දීඝදන්තු -01 වෙනුවෙන් පැවැත්වුණු දානය අද (05) එම ප්රදේශයේ ම නිවසක සංවිධානය කර තිබුණා.
ප්රදේශයේ මහා සංඝරත්නයේ මගපෙන්වීම යටතේ ගල්කිරියාගම වනසත්ත්ව අඩවි ආරක්ෂක කාර්යාලයේ නිලධාරින්, සත්ත්ව සංවිධාන, ජනමාධ්යවේදීන් හා ගම්වාසීන්ගේ සහභාගීත්වයෙන් එම දානමය පුණ්යකර්මය පැවැත්වුණු බවයි වාර්තා වූයේ.
මින් දින 07කට ඉහත දී විදුලිසැර වැදීමකින් මියගිය කලාවැවේ දීඝදන්තු 01 හස්තියා මෙන්ම මිනිස් ක්රියාකාරකම් හේතුවෙන් මින් පෙර මියගිය කලාවැව නිජභූමිය කරගත් භරණ හා රේවත වැනි හස්තීන්ට ද වනඅලි පහරදීම්වලින් මියගිය සියලු දෙනාට ද මෙහිදී පැන් වඩා පින් අනුමෝදන් කෙරුණා.
