ඉන්දීය ප්‍රීමියර් ලීග් ක්‍රිකට් තරගාවලියේ අද (24) රාත්‍රියේ දී විශාකාපට්නම් හි දී ආරම්භ වූ තරගයේ පළමු ව පන්දුවට පහර දුන් ලක්නව් සුපර් ජෑන්ට්ස් කණ්ඩායම සිය පන්දුවාර 20 අවසානයේ දී කඩුලු 08ක් දැවී ලකුණු 209ක් ලබා ගත්තා.
තරගයේ කාසියේ වාසිය දිනූ දිල්ල කැපිටල්ස් කණ්ඩායමේ නායක අක්සාර් පටෙල් පළමු ව පන්දු යැවීම තෝරාගත්තා.
ආරම්භයේ සිට ම ප්‍රවේගකාරී ඉනිමක් ක්‍රීඩා කිරීම ඇරඹි ලක්නව් කණ්ඩායම වෙනුවෙන් නිකලස් පූරාන් පන්දු 30කදී රැස් කළ ලකුණු සංඛ්‍යාව 75ක්.
ඊට දැවැන්ත හයේ පහර 07ක් සහ හතරේ පහර හයක් හිමිවුණා.
මිචෙල් මාර්ෂ් ලකුණු 72යි.
කඩුලු බිඳ දැමීමේ දී දිල්ලි කණ්ඩායම වෙනුවෙන් මිචෙල් ස්ටාක් ලකුණු 42කට කඩුලු 03ක් සහ කුල්දීප් යාදව් කඩුලු දෙකක් බිඳ හෙලුවා.
එක් කඩුල්ලක් විප්‍රාජ් නිගම් විසින් බිඳ දැමුවා.
ඒ අනුව අද තරගය ජයග්‍රහණයට පන්දුවාර 20ක් තුළ දිල්ලි කණ්ඩායම ලකුණු210ක් ලබාගත යුතු වනවා.
