බෞද්ධයන් ලෙස සතියකට දිනක් හෝ අවම වශයෙන් පොහොය දිනකට පන්සල් යාම අනිවාර්ය කළ යුතු බව අග්රාමාත්ය මහින්ද රාජපක්ෂ මහතා ප්රකාශ කළා.
පුත්තලම, මාදම්පේ, ගල්මුරුව ශ්රී සුනන්දාරාම පිරිවෙන් විහාරස්ථානයේ අභිනවයෙන් ඉදිකෙරුණු චෛත්යරාජයාණන් වහන්සේගේ කොත නිරාවරණය කිරීමේ අවස්ථාවට එක්වෙමින් අග්රාමාත්යවරයා මේ බව සඳහන් කළා.
විහාරස්ථානයට පැමිණි අග්රාමාත්යවරයා එහි විහාරාධිපති පුජ්ය දේවහන්දිියේ සද්ධානන්ද හිමියන් බැහැදැක අදට යෙදී ඇති උන්වහන්සේගේ ජන්ම දිනයට සුබ පැතුම් එක්කළ බවයි අග්රාමාත්ය කාර්යාලය සඳහන් කළේ.
අනතුරුව ප්රතිසංස්කරණය කළ විහාරස්ථානයේ මකර තොරණ විවෘත කිරීමෙන් පසු සිය පැමිණිම සංකේතවත් කරමින් රත් හදුන් පැලයක් රෝපණය කිරීමට ද අග්රාමාත්යවරයා කටයුතු කළා.
එහිදි අදහස් දක්වමින් අග්රාමාත්යවරයා සඳහන් කළේ තරුණ දූ දරුවන් ආගමික කටයුතුවලට දායක කර ගැනීම තුළින් නිසි මගට යොමු වීම සිදුවන බවයි.
එමෙන්ම දරුවන් ඉරිදා දහම්පාසල් යැවීම ද අනිවාර්ය කළ යුතු බව සඳහන් කළ අග්රාමාත්යවරයා දරුවන් යහමගට යැවීම සඳහා සුදුසුම ස්ථානය පන්සල සහ බෞද්ධ භික්ෂුන්වහන්සේගේ මග පෙන්වීම බව ද වැඩදුරටත් සඳහන් කළා.
