2026 අයි.පී.එල් තරගාවලිය වෙනුවෙන් පැවති ක්රීඩක වෙන්දේසියේ දී කොල්කටා නයිට් රයිඩර්ස් කණ්ඩායමට බංග්ලාදේශ ක්රීඩකයෙකු මිලදී ගැනීම සම්බන්ධයෙන් භාරතීය ජනතා පක්ෂයේ නායකයෙක් බොලිවුඩ් නළු ෂාරුක් ඛාන්ට චෝදනා එල්ලකර තිබෙනවා.
පසුගිය දෙසැම්බර් මස 16 වනදා අබුඩාබි හිදී පැවති ක්රීඩක වෙන්දේසියේ දී බොලිවුඩ් නළු ෂාරුක් ඛාන් හිමිකාරිත්වය දරණ කොල්කටා නයිට් රයිඩර්ස් කණ්ඩායම විසින් බංග්ලාදේශ වේග පන්දු යවන ක්රීඩක මුස්තෆිසුර් රහ්මාන් මිලදී ගත්තා.
ඒ, ක්රීඩක වෙන්දේසියේ දී ඉන්දීය රුපියල් කෝටි 9.20ක ලංසු මුදලක් තබමින්.
භාරතීය ජනතා පක්ෂයේ නායකයෙක් වන උත්තර් ප්රදේශ් ව්යවස්ථාදායක සභාවේ හිටපු මන්ත්රීවරයෙකු වන සංගීත් සෝම් පවසන්නේ බංග්ලාදේශය තුළ හින්දු භක්තිකයින්ට සහ අනෙකුත් සුළු ජාතීන්ට එරෙහි ම්ලේච්ඡ ක්රියා ඉහළ යමින් තිබිය දී එවැනි රටක ක්රීඩකයෙක් මිලදී ගැනීම තුළින් ෂාරුක් ඛාන් ද්රෝහියෙකු වන බවයි.
මීරුට්හි පැවති ප්රසිද්ධ උත්සවයක දී සංගීත් සෝම් පවසා ඇත්තේ, එවැනි ද්රෝහී ක්රියාවක් සිදුකළ ෂාරුක් ඛාන්ට ඉන්දියාව තුළ ජීවත්වීමට අයිතියක් නොමැති බවයි.
එමෙන්ම අයි.පී.එල් තරගාවලියට බංග්ලාදේශ ක්රීඩක මුස්තෆිසුර් රහ්මාන් ඉන්දයාවට පැමිණියහොත් ඔහුට ගුවන් තොටුපළෙන් එළියට අඩියක් තැබීමට ඉඩ නොතබන බවයි සංගීත් සෝම් අනතුරු අඟවා ඇත්තේ.
2026 ඉන්දීය ප්රිමියර් ලීග් තරගාවලිය එළඹෙන මාර්තු මාසයේ ආරම්භ වීමට නියමිතයි.
ෂාරුක් ඛාන් මුස්ලිම් ජාතිකයෙක් නිසා එහෙම කරන්න ඇති.
ක්රිඩාවට කොහෙද බන් ආගමක්
මේ වගේ ප්රකාශ කිරිම තුලින් බංගලිදේශයේ හින්දු මිනිසුන්ගෙ ජීවිත තවත් අනතුරේ