කඩවත ගෝනහේන මාහේන මාර්ගයේ මාහේන ප්රදේශයේදී ගෝනහේන දෙස සිට මාහේන දෙසට ධාවනය වූ යතුරු පැදියක් ඉදිකරමින් පවතින පාලමක ගැටී යතුරුපැදිය පෙරලී ගොස් අනතුරක් සිදුව තිබේ .
අනතුරින් යතුරු පැදිකරු බරපතල තුවාල ලබා රාගම රෝහලට ඇතුළත් කිරීමෙන් පසු මියගොස් ඇත . මරණයට පත්ව ඇත්තේ වයස අවුරුදු 32 ක් වූ ගණේමුල්ල ප්රදේශයේ පදිංචිකරුවෙකි .
මෘත ශරීරය රාගම රෝහලේ මෘත ශරීරාගාරයේ තැන්පත් කර තිබේ . යතුරුපැදිකරුගේ අපරික්ෂාකාරී හා නොසැලකිලිමත් රිය ධාවනය හේතුවෙන් මෙම අනතුර සිදු වී ඇති අතර කඩවත පොලිසිය වැඩිදුර විමර්ශන සිදුකරනු ලබයි .
