බංග්ලාදේශ එක්දින කණ්ඩායමේ වර්තමාන නායකත්වය දරණ ආරම්භක පිතිකරු තමිම් ඉක්බාල් ජාත්‍යන්තර විස්සයි විස්ස පිටියට සමුදීමට තීරණය කර තිබෙනවා.
බටහිර ඉන්දීය කොදෙව් පිලට එරෙහිව ගයානාහි දී පැවැති එක්දින තරගාවලිය තරග 3-0ක් ලෙස ජයගැනීමෙන් පසුව ඊයේ ඔහු මෙය නිවේදනය කළා.
මේ වනවිට ජාත්‍යන්තර විස්සයි විස්ස 78කට ක්‍රීඩා කරමින් තමීම් ලකුණු 1758ක් රැස්කරගෙන සිටිනවා.
ජාත්‍යන්තර විස්සයි විස්ස පිටිය තුළ එක ශතකයක් සහ අර්ධ ශතක 07ක් ඔහුගේ නම ඉදිරියේ ලියවී තිබෙනවා.
තමිම් අවසන් වරට විස්සයි විස්ස තරගයක් ක්‍රීඩා කළේ 2020 මාර්තු මාසයේදී සිම්බාබ්වේ කණ්ඩායමට එරෙහිවයි.
පසුගිය වසරේ මැද භාගයේ එක්සත් අරාබි එමීර් රාජ්‍යයේ පැවැත්වෙන විස්සයි විස්ස ලෝක කුසලාන තරඟාවලියෙන් ස්වේච්ඡාවෙන් ඉවත් වීමට තමිම් ගත් තීරණයත් සමඟ ඔහු මෙම තරග ආකෘතියෙන් බොහෝසෙයින් ඈත්ව සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
1
