තංගල්ලේ සංචාරක නිකේතනයක තරුණ යුවළක් ගෙළ වැළලාගෙන සියදිවි නසාගනී

තංගල්ල, මැදකැටිය, මුහුදු මාවතේ පිහිටි සංචාරක නිකේතනයක කාමරයක් තුළ ඊයේ (22) රාත්‍රියේ ගෙළ වැළලාගෙන තරුණ යුවළක් සියදිවි හානිකරගෙන තිබෙනවා.

අප වාර්තාකරු සඳහන් කළේ වයස අවුරුදු 17ක තරුණියක් සහ 20 හැවිරිදි වියේ පසුවන තරුණයෙක් මෙලෙස ගෙළ වැළලාගෙන ඇති බවයි.

මෙලෙස මියගොස් ඇති තරුණයා අදාළ සංචාරක නිකේතනය භාරව සිටි තැනැත්තා වන අතර තරුණිය අම්බලන්තොට ප්‍රදේශයේ පදිංචිකාරිනියක් බවයි වාර්තා වන්නේ.

අදාළ තරුණයා ඊයේ පස්වරුවේ තරුණියගේ නිවස පිහිටි අම්බලන්තොට ප්‍රදේශයට ත්‍රිරෝද රථයකින් ගොස් ඇයව කැඳවාගෙන සංචාරක නිකේතනය වෙත පැමිණ ඇති බවට තොරතුරු අනාවරණය වී තිබෙනවා.

මෙලෙස ගෙළ වැළලාගැනීමට පෙර ඔවුන් දෙදෙනා ලිපියක් ද ලියා ඇති බවයි පොලිසිය සඳහන් කළේ.