ඇමරිකානු ජනාධිපති ඩොනල්ඩ් ට්රම්ප් හට ඩොලර් මිලියන 15ක වන්දි මුදලක් ගෙවන ලෙස ABC ප්රවෘත්ති සේවයට එරට අධිකරණයක් විසින් ඊයේ (14) නියම කර තිබෙනවා.
ජනාධිපති ඩොනල්ඩ් ට්රම්ප් විසින් ගොනු කළ අපහාස නඩුවක දෙපාශ්වය අතර සමථයක කොටසක් ලෙස මෙම වන්දි මුදල ලබාදෙන ලෙසයි අධිකරණය දැනුම් දී ඇත්තේ.
පසුගිය මාර්තු මාසයේ ABC ප්රවෘත්ති සේවයේ විකාශය වූ එක්සත් ජනපද නියෝජිත නැන්සි මේස් සමඟ පැවති සම්මුඛ සාකච්ඡාවක දී ඩොනල්ඩ් ට්රම්ප් “ස්ත්රී දූෂණයට වගකිව යුතු” බවට නිවේදක ජෝර්ජ් ස්ටෙෆනොපොලොස් විසින් ප්රකාශ කර තිබෙනවා.
මෙම අපහාසාත්මක ප්රකාශය සිදුකිරීම සහ එය විකාශය කිරීම සම්බන්ධයෙන් ඩොනල්ඩ් ට්රම්ප් විසින් අදාළ අපහාස නඩුව ජෝර්ජ් ස්ටෙෆනොපොලොස්ට සහ ABC ප්රවෘත්ති සේවයට එරෙහිව පවරා තිබුණා.
ඩොලර් මිලියන 15ක වන්දි මුදලට අමතරව, නැන්සි මේස් සමඟ ස්ටෙෆනොපොලෝස් පැවැත්වූ අදාළ සම්මුඛ සාකච්ඡාව සම්බන්ධයෙන් කණගාටුව පළකරන ප්රකාශ නිකුත් කිරීමට ABC ප්රවෘත්ති සහ ස්ටෙෆනොපොලස් අධිකරණයේ දී එකඟ වී තිබෙනවා.
කෙසේ වෙතත් අදාළ ඩොලර් මිලියන 15ක වන්දි මුදල ට්රම්ප් වෙනුවෙන් “ජනාධිපති පදනමක් සහ කෞතුකාගාරයක්” සඳහා කැප වූ අරමුදලකට පරිත්යාගය කිරීමට කටයුතු කරන ලෙසයි අධිකරණය දැනුම් දී ඇත්තේ.
මේ අතර විකාශකයාට ඇටෝනි ගාස්තු වශයෙන් ඩොලර් මිලියනයක් ගෙවවීමට ද සිදුව තිබෙනවා.
