ආගමන විගමන පාලකවරයා වෙත ව්යාජ තොරතුරු ඉදිරිපත් කර විදේශ ගමන් බලපත්රයක් ලබාගැනීම හා වලංගු වීසා බලපත්ර නොමැතිව ශ්රී ලංකාව තුළ රැඳී සිටිමින් ආගමන විගමන පනත උල්ලංඝනය කළ බව කියන සිද්ධියකට අදාලව හිටපු රාජ්ය අමාත්ය ඩයනා ගමගේට එරෙහිව අපරාධ පරීක්ෂණ දෙපාර්තමේන්තුව විසින් පවරා ඇති නඩුවකට අදාල වැඩිදුර සාක්ෂි විභාගය පෙබරවාරි 24 වන දින යළි කැඳවිමට කොළඹ ප්රධාන මහේස්ත්රාත් අසංග එස් බෝදරගම මහතා අද(16) දින නියම කළා.
සැකකාර ඩයනා ගමගේට එරෙහිව අපරාධ පරීක්ෂණ දෙපාර්තමේන්තුව වෙනුවෙන් චෝදනා 07ක් ගොනු කර ඇති අතර, ඉන් එක් චෝදනාවකට අදාළ නඩු විභාගයට අදාල සාක්ෂි විභාගය අද (16) අධිකරණයේ කැඳවිමට නියමිතව තිබුණා.
අද දින නීතිඥවරුන් අධිකරණයේ පෙනී නොසිටීම නිසා සිද්ධියට අදාළ සාක්ෂි විභාගය පෙබරවාරි 24 තෙක් කල් තැබුවා.
මෙම නඩුව කැඳවනු ලැබු අවස්ථාවේ දී විත්තිකාර ඩයනා ගමගේ සහ සිද්ධියට අදාලව සාක්ෂි ලබාදීමට පැමිණි 21,27,28 සහ 29 වන සාක්ෂිකරුවන් අධිකරණය හමුවේ පෙනී සිටියා.
එම සාක්ෂිකරුවන්ට පෙබරවාරි 24 වන දින අධිකරණයේ පෙනී සිටින ලෙසද මහේස්ත්රාත්වරයා එහිදී අවවාද කළා.
.
