ජගත් ටෙස්ට් පිටියට කෝඩුකාරයෙක් වූ ෂමර් ජෝශප්ගේ සුපිරි පන්දු යැවීම හමුවේ වසර 27කට පසු ඕස්ට්ර්ලියාවේ දී ටෙස්ට් තරගයක් ජයග්රහණය කිරීමට බටහිර ඉන්දීය කොදෙව් කණ්ඩායමට අද (28) හැකියාව ලැබුණා.
ඒ, තරග දෙකකින් සමන්විත ටෙස්ට් තරගාවලියේ දෙවන ටෙස්ට් තරගය ලකුණු 08 කින් ජයගැනීමට හැකිවීමත් සමඟයි.
බ්රිස්බේන් හිදී පැවති මෙම ටෙස්ට් තරගයේ කාසිය වාසිය දිනූ කොදෙව්වන් පළමුව පන්දුවට පහරදීමට තීරණය කළ අතර, එහිදී ඔවුන් සිය පළමු ඉනිම සඳහා සියල්ලන් දැවී රැස්කළ ලකුණු සංඛ්යාව 311ක්.
ඊට පිළිතුරු වශයෙන් සත්කාරක ඕස්ට්ර්ලියාව කඩුලු 09ක් දැවී ලකුණු 289ක් රැස්කරගෙන සිටිය දී සිය පළමු ඉනිම අත්හිටුවීමට තීරණය කළා.
අනතුරුව ලකුණු 22ක වාසියක් ද සමඟ සිය දෙවන ඉනිම ඇරඹු බටහිර ඉන්දීය කොදෙව් ක්රීඩකයින් සියල්ලන් දැවී ලකුණු 193ක් දෙවන ඉනිමේ පුවරුවට එක් කළා.
ඒ, අනුව මෙම තරගය ජයග්රහණය වෙනුවෙන් ඕස්ට්ර්ලියාවට හිමි වූ ඉලක්කය ලකුණු 215ක්.
එම ඉලක්කය හඹා ගිය ඕස්ට්ර්ලියානුවන්ගේ දෙවන ඉනිම තරගයේ සිව්වන දිනය වූ අද (28) දිනයේ දී ලකුණු 207කට සීමා කරන්නට කොදෙව් පන්දු බලඇණිය සමත් වුණා.
එහිදී සිය දෙවන ජාත්යන්තර ටෙස්ට් තරගය සඳහා ක්රීඩා කළ 24 හැවිරිදි ෂමර් ජෝශප් ඕස්ට්රේලියානු දෙවන ඉනිම සුනු විසුණු කළේ කඩුලු 07ක් බිඳ දමමින්.
ෂමර් ජෝශප් මෙම තරගයේ දී ඕස්ට්රේලියානු පළමු ඉනිමේ ද එක් කඩුල්ලක් බිඳ දැමීමට සමත් වුණා.
ඒ, අනුව දිවා රාත්රී ටෙස්ට් තරගයක් ලෙස පැවති මෙම තරගය කොදෙව්වන්ට වසර 27කට පසු අමතක නොවන ජයග්රහණයක් බවට පත්කර දෙන්නට මෙම යොවුන් වේග පන්දු යවන්නාට හැකියාව ලැබුණා.
තරගයේ වීරයා සම්මානය සහ තරග දෙකකින් සමන්විත තරගාවලියේ වීරයා සම්මානය ද මෙහිදී ෂමර් ජෝශප් විසින් හිමිකර ගත්තා.
තරග දෙකින් සමන්විත තරගාවලියේ පළමු තරගය ඕස්ට්රේලියාව ජයගත් අතර, ඒ අනුව තරගාවලිය එකට එකක් ලෙස ජය පරාජයෙන් තොරව අවසන් වුණා.
