ඇමරිකා එක්සත් ජනපදය ලෝක සෞඛ්ය සංවිධානයෙන් ඉවත් කිරීමේ නියෝගයට නව ජනපති ඩොනල්ඩ් ට්රම්ප් අත්සන් තබා තිබෙනවා.
ගෝලීය සෞඛ්ය සංවිධානය විසින් කෝවිඩ් වසංගතය සහ අනෙකුත් ජාත්යන්තර සෞඛ්ය අර්බුද වැරදි ලෙස හසුරවා ඇති බවයි ට්රම්ප්ජනධිපති වරයා පවසා ඇත්තේ.
මෙම පියවර හේතුවෙන් එක්සත් ජනපදය මාස 12කින් ලෝක සෞඛ්ය සංවිධානයෙන් ඉවත් වන අතර එහි කටයුතු සඳහා වන සියලුම මූල්ය දායකත්වයන්ද නවතා දැමෙනවා.
ලෝක සෞඛ්ය සංවිධාන වෙත ලබාදෙන අරමුදල්වලින් 18%ක් එක්සත් ජනපදය විසින් ලබාදෙන්නේ එම අරමුදලේ ප්රධානතම ආධාරකරුවා ලෙසටයි.
සෞඛ්ය විශේෂඥයින් පවසන්නේ එක්සත් ජනපදය ලෝක සෞඛ්ය සංවිධානයෙන් ඉවත් වීම ගෝලීය නායකයෙකු ලෙස ජාතියේ කීර්ති නාමයට හානි කරන අතර, ඊළඟ වසංගතයට එරෙහිව සටන් කිරීම දුෂ්කර කරන බවයි.
ට්රම්ප් සිය පළමු ධුර කාලයේදී ද මෙම තීරණය ක්රියාත්මක කළ අතර,පසුව ජනපති ලෙස පත් වූ ජෝ බයිඩන් විසින් 2021 ජනවාරි 20 වන දින එම තීරණය අවලංගු කළා.
