ට්‍රම්ප් ආවොත් චීනය හාන්සියි

ඩොනල්ඩ් ට්‍රම්ප් දෙවන ධුර කාලය සඳහා එක්සත් ජනපද ජනාධිපති ලෙස නැවත තේරී පත්වීමේ අපේක්ෂාවන් චීනයට සහ එහි ආර්ථිකයට සුබදායක නොවනු ඇති.

ඔහු විසින් පොරොන්දු වූ චීන භාණ්ඩ සඳහා ඉහළ තීරුබදු බලාත්මක කළහොත්, චීනයේ අපනයන ඇනහිටින ඇති අතර, පසුව, අධි ධාරිතාව හේතුවෙන් එහි නිෂ්පාදනයට එල්ල කරනු ඇත්තේ බරපතළ බලපෑමක්.

අසාධාරණ වෙළෙඳ පිළිවෙත් සහ බුද්ධිමය දේපළ සොරකම් කිරීම සම්බන්ධයෙන් චීනයට දොස් පවරමින් ට්‍රම්ප් චීන ආනයන සඳහා සියයට 60 සිට 100 දක්වා තීරුබදු පනවන බව පැවසුවා.

ඔහු චීනය එක්සත් ජනපදය සඳහා “සැබෑ ප්‍රශ්නය” ලෙස හැඳින්වූයේ එය “විශාලතම තර්ජනය” බව පවසමින්.

මෙය බයිඩන් පරිපාලනයට සමාන ක්‍රියාමාර්ග ගැනීමට බලපෑම් කර තිබෙනවා.

මීට මාස කිහිපයකට පෙර බයිඩන් විසින් විදුලි වාහන, සූර්ය කෝෂ, අර්ධ සන්නායක සහ උසස් බැටරි ඇතුළු භාණ්ඩ කිහිපයක් සඳහා තීරු බදු වැඩි කරනු ලැබුවා.

මීට පෙර තීරුබදු විවේචනය කළ භාණ්ඩාගාර ලේකම් ජැනට් එල්. යෙලන් පවා නවතම චීන විරෝධී තීරුබදු සාධාරණීකරණය කර තිබෙනවා.

ඉහළ එක්සත් ජනපද තීරුබදු චීනයේ ආර්ථිකය මන්දගාමී වන අතර එය අවධමනය වීමේ අවදානමකට ලක් කරනු ඇතැයි ආර්ථික විද්‍යාඥයින් අනතුරු අඟවනවා.

ගෝලීය ආයෝජන බැංකු සමාගමක් වන යූබීඑස්ට අනුව, ඉහළ තීරුබදු පැනවීමක් සිදු වුවහොත් එය ඉදිරි මාස 12 තුළ චීනයේ දළ දේශීය නිෂ්පාදිතය සියයට 2.5 කින් මන්දගාමී වනු ඇති.

2025 සහ 2026 කාලය තුළ වර්ධන වේගය සියයට 3 දක්වා අඩු විය හැකි බවට යූබීඑස් පුරෝකතනය කරනවා.

අනෙකුත් රටවල් ද චීන ආනයන සඳහා එක්සත් ජනපදය වැනි තීරුබදු ගැන කල්පනා කරමින් සිටින බැවින් චීනයේ ගැටලුව නිසැකවම උග්‍ර වනු ඇති.