එක්සත් ජාතීන්ගේ ජෛව විවිධත්ව සමුළුවේ දී (COP16) ජෛව විවිධත්වය ආරක්ෂා කිරීම සඳහා යාවත්කාලීන කරන ලද ජාතික සැලැස්ම ඉන්දීය රජය ක්‍රියාත්මක කරන බව පරිසර අමාත්‍ය කිර්ති වර්ධන සිං මහතා පවසනවා.
එමෙන්ම කැලි හි පැවති එක්සත් ජාතීන්ගේ ජෛව විවිධත්ව සමුළුවේ දී ඉන්දියාව සිය ජාතික ජෛව විවිධත්ව ක්‍රියාකාරී සැලැස්ම ක්‍රියාත්මක කිරීම සඳහා ජාත්‍යන්තර අරමුදල් ඉල්ලා ඇති බවත් වාර්තා වනවා.
පෙරේදා දිනයේ දී COP16 හි දී ජාතික ප්‍රකාශය ඉදිරිපත් කරමින් ඉන්දීය පාරිසරික අමාත්‍යවරයා ජාතික ජෛව විවිධත්ව උපාය මාර්ගය සහ ක්‍රියාකාරී සැලැස්ම ක්‍රියාත්මක කිරීම සඳහා මූල්‍ය සම්පත් ඇතුළුව ක්‍රියාත්මක කිරීමේ මාධ්‍යයන් සැපයීමේ අවශ්‍යතාව අවධාරණය කළ බවයි වාර්තා වන්නේ.
කුන්මිං-මොන්ට්‍රියල් ගෝලීය ජෛව විවිධත්ව රාමුව සමඟ සමපාත වන ඉලක්ක සමඟ ඉන්දියාව සිය ජාතික ජෛව විවිධත්ව උපාය මාර්ග සහ ක්‍රියාකාරී සැලැස්ම යාවත්කාලීන කර ඇති බවයි පැවසෙන්නේ.
1992 දී සම්මත කරන ලද ජෛව විවිධත්වය පිළිබඳ සම්මුතිය (CBD), ජෛව විවිධත්වය සංරක්ෂණය කිරීම, එහි තිරසාර භාවිතය ප්‍රවර්ධනය කිරීම සහ ජාන සම්පත් ප්‍රතිලාභ සාධාරණ ලෙස බෙදා ගැනීම සහතික කිරීම අරමුණ වනු ඇති.
මෙම ඉලක්ක සපුරා ගැනීම සඳහා, CBD විසින් ජාතික ප්‍රමුඛතා මත පදනම්ව ජෛව විවිධත්වය ආරක්ෂා කිරීම සහ කළමනාකරණය කිරීම සඳහා සකස් කරන ලද රාමුවක් වන ජාතික ජෛව විවිධත්ව උපාය මාර්ග සහ ක්‍රියාකාරී සැලැස්ම (NBSAP) සංවර්ධනය කිරීමට සෑම සාමාජික රටක්ම අවශ්‍ය කරන බව ද වාර්තා වනවා.
