ජාත්යන්තර ක්රිකට් කවුන්සිලයේ මීළඟ සභාපතිවරයා ලෙස ඉන්දීය ක්රිකට් පාලක මණ්ඩලයේ වත්මන් ලේකම් ජේ ෂා පත්වීමට වැඩි අවස්ථාවක් පවතින බවට තොරතුරු වාර්තා වනවා.
නව අයි.සී.සී සභාපතිවරයා දෙසැම්බර් පළමු වනදා වැඩ භාරගන්නා අතර, එම තනතුර සඳහා ඉල්ලුම් කරන පුද්ගලයින්ට නාමයෝජනා ගොනු කිරීමේ අවසන් දිනය අගෝස්තු 27 වනදායින් අවසන් වනවා.
කෙසේ වෙතත් ජේ ෂා ජාත්යන්තර ක්රිකට් කවුන්සිලයේ සභාපති තනතුර සඳහා තවමත් ඉල්ලුම්කර නොමැති බවයි ඉන්දීය මාධ්ය වාර්තා කරන්නේ.
එවන් තත්ත්වයක ඔහුට ඉන්දීය ක්රිකට් ලේකම් දුරයෙන් ඉවත්ව අයි.සී.සී සභාපති තනතුර සඳහා ඉල්ලුම් කිරීමට තවත් පැය 96කට අඩු කාලයක් පවතිනවා.
ජාත්යන්තර ක්රිකට් කවුන්සිලයේ සභාපති තනතුර සඳහා පත්වීම නම් අයි.සී.සී මණ්ඩලයේ සාමාජිකයන් 16 දෙනාගෙන් 15 දෙනෙකුගේ සහාය තිබිය යුතු වනවා.
මේ අතර ජේ ෂා ඉන්දීය ක්රිකට් පාලක මණ්ඩලයේ ලේකම් තනතුරෙන් ඉවත්ව අයි.සී.සී සභාපති තනතුර සඳහා ඉල්ලුම් කළහොත් පුරප්පාඩු වෙන ඉන්දීය ක්රිකට් ලේකම් තනතුර සඳහා පත් කරන්නේ කවුරුන් ද යන්න පිළිබඳව ඇත්තේ ප්රශ්නාර්ථයක්.
කෙසේ වෙතත් එම තනතුර සඳහා පත්වෙතැයි විශ්වාස කෙරෙන පුද්ගලයින් කිහිප දෙනෙක් පිළිබඳව ඉන්දීය මාධ්යයේ අවදානය යොමුව තිබෙනවා.
ඉන්දීය ක්රිකට් පාලක මණ්ඩලයේ වත්මන් උප සභාපති රජිව් ශුක්ලා, එහි භාණ්ඩාගාරික ආශිෂ් ෂෙලා, IPL සභාපති ලෙස කටයුතු කරන අරුන් ධුමාල්, ඉන්දීය ක්රිකට් උප ලේකම් දේවජිත් සයිකියා, දිල්ලි සහ දිස්ත්රික් ක්රිකට් සංගමයේ සභාපති රොහාන් ජේට්ලි හි හිටපු සභාපතිවරයෙක් වන අවිෂේක් දල්මියා යන පුද්ගලයින් ඒ අතර වනවා.
