නිවැරදි නායකත්වය තුළින් මේ රට වෙනස් කළ හැකි බව මාසයක් වැනි කෙටි කාලසීමාවක් තුළ පෙන්වා දී ඇති බව අග්රාමාත්ය ආචාර්ය හරිනි අමරසූරිය මහත්මිය පවසනවා.
අතුරුගිරිය – බොරලුගොඩ ප්රදේශයේ පැවති ජාතික ජන බලවේගයේ ජන හමුවකට එක්වෙමින් ඇය මේ බව කියා සිටියා.
දූෂිත දේශපාලන සංස්කෘතිය ඉවත් කිරීමේ වැඩපිළිවෙළ තම පක්ෂය ජනාධිපතිවරණයෙන් ආරම්භ කළ බවත්; සරලවම, චාම් අයුරින් ජනාධිපති පවා දිවුරුම්දීමේ උත්සවය පවත්වා රටට ආදර්ශයක් සැපයූ බව ද අග්රාමාත්යවරිය පවසනවා.
රටේ ජනතාවගේ මුදල් නාස්ති කර; ජනතාවට අප්රිය වූ දේශපාලනඥයෙකු වීම සම්පූර්ණයෙන් ම නතර කර දමා විශිෂ්ට දේශපාලනික සංස්කෘතියක් මෙරට තුළ ඇති කරලීම සැමදෙනාගේ ම වගකීමක් බවයි හරිනි අමරසූරිය අග්රාමාත්යවරිය පැවසුවේ.
රටක ජාතික ලැයිස්තුව යනු පාර්ලිමේන්තු මැතිවරණයකින් යා නොහැකි වෘත්තිකයින් හෝ වෙනත් රටට විවිධ අංශවලින් සේවය කරන ලද පිරිස් වෙත යාමට ඇති ක්රමවේදයක් මිසෙක දේශපාලන දූෂිතයින්ට එය සුදුසු නොමැති බවයි අග්රාමාත්යවරිය සඳහන් කළේ.
රාජපක්ෂවරු තරග නොවදින එකම මහමැතිවරණය මෙය වුව ද; ජාතික ලැයිස්තුව අවභාවිත කරමින් රාජපක්ෂවරු යළිත් ඒ හරහා පාර්ලිමේන්තුවට පැමිණීමට උත්සහා දරා ඇති බවයි අග්රාමාත්යවරිය වැඩිදුරටත් පවසන්නේ.
