මේ වනවිට ජනාධිපති ලේකම් කාර්යාලය අසල පරිශ්‍රයේ ගාල්කර ඇති වාහන සම්බන්ධයෙන් පළ වන විවිධ මත පිළිබඳ ජනාධිපති කාර්යාලය විසින් විශේෂ නිවේදනයක් නිකුත් කර තිබෙනවා.
එම නිවේදනයේ දැක්වෙන්නේ නව ජනාධිපතිවරයා පත්වීමත් සමග පසුගිය දින කිහිපය තුළ කළ දැනුම්දීම් පරිදි ජනාධිපති කාර්යාලය වෙත භාරදුන් රථ වාහන 107ක් මේ වනවිට ජනාධිපති කාර්‍යාලයෙන් පිටත පරිශ්‍රයේ පොලිස් ආරක්ෂාව යටතේ තාවකාලිකව නවතා ඇති බවයි.
මෙම වාහන ජනාධිපති ලේකම් කාර්‍යාලයේ නිත්‍ය කාර්‍යය මණ්ඩලය වෙත ලබා දී තිබූ රථවාහන නොවන බව ද නිවේදනයේ සඳහන්.
හිටපු ජනාධිපතිවරයා විසින් සිය ධුර කාලය තුළ දී ආණ්ඩුක්‍රම ව්‍යවස්ථාවේ 41 (1) වගන්තිය ප්‍රකාරව පත් කරන ලද සිය පෞද්ගලික කාර්‍යය මණ්ඩලය වෙත ලබා දී තිබූ රථ වාහන බවයි එම නිවේදනයේ දැක්වෙන්නේ.
මෙම රථවාහන ජනාධිපති ලේකම් කාර්‍යාලයෙන් පිටත පරිශ්‍රයේ ගාල් කර ඇත්තේ ජනාධිපති ලේකම් කාර්යාලය තුළ මෙතරම් වාහන ප්‍රමාණයක් ගාල් කිරීමට ඉඩකඩ නොමැති නිසා පමණක් වන අතර කිසිසේත් එය ප්‍රදර්ශනය කිරීමේ අරමුණින් නොවන බව ද ජනාධිපති මාධ්‍ය අංශය පවසනවා.
ජනාධිපති අනුර කුමාර දිසානායක මහතා මීට අදාළ ව පසුගියදා ලබා දුන් උපදෙස් පරිදි මෙම රථවාහන කඩිනමින් අත්‍යවශ්‍ය සේවා සඳහා ලබාදීමට මේ වනවිටත් කටයුතු සකස් කරමින් පවතින බව ද ජනාධිපති මාධ්‍ය අංශය නිවේදනය කරනවා.
wpDiscuz
