මැතිවරණ කොම්ෂන් සභාව විසින් ජනාධිපතිවරණය පැවැත්වීම නිවේදනය කළ අද (26) දිනය තුළ දී මැතිවරණය සඳහා අපේක්ෂකයින් සිව්දෙනෙක් ඇප මුදල් තැන්පත්කර තිබෙනවා.
මැතිවරණ කොම්ෂන් සභාව එහි සභාපති ආර්.එම්.ඒ.එල්. රත්නායකගේ අත්සනින් යුතුව විශේෂ නිවේදනයක් නිකුත් කරමින් මේ බව සඳහන් කළා.
ඒ, අනුව වත්මන් ජනාධිපති රනිල් වික්රමසිංහ මහතා ස්වාධීන අපේක්ෂකයෙක් ලෙස අද දිනයේ ඇප මුදල් තැන්පත්කර තිබෙනවා.
ඊට අමතරව සරත් කීර්තිරත්න මහතා ස්වාධීන අපේක්ෂකයෙකු ලෙස ඇප මුදල් තැන්පත්කර ඇති අතර, ඕෂල ලක්මාල් අනිල් හේරත් මහතා අභිනව නිවහල් පෙරමුණෙන් මැතිවරණය සඳහා ඇප මුදල් තැන්පත්කර ඇති බවයි මැතිවරණ කොම්ෂන් සභාව දැනුම් දුන්නේ.
එමෙන්ම එස්.ඒ.පී. ලියනගේ මහතා ශ්රී ලංකා කම්කරු පක්ෂයෙන් ජනාධිපතිවරණයට ඉදිරිපත් වීම සඳහා අද දිනයේ ඇප මුදල් තැන්පත්කර ඇති බවයි වාර්තා වුණේ.
2024 ජනාධිපතිවරණය එළඹෙන සැප්තැම්බර් මස 21 වනදා පැවැත්වෙන බව ගැසට් පත්රයක් මඟින් මැතිවරණ කොම්ෂන් සභාව අද දිනයේ නිවේදනය කළා.
ජනාධිපතිවරණය වෙනුවෙන් අපේක්ෂකයින්ට ඇප මුදල් තැන්පත් කිරීම අද (26) දිනය සිට අගෝස්තු 14 වනදා දක්වා සිදුකළ හැකියි.
ජනාධිපතිවරණයේ නාම යෝජනා භාරගැනීම සිදුවන්නේ අගෝස්තු 15 වන බ්රහස්පතින්දා දිනයේදීයි.
