ෂින්ජියැන්ග් කලාපයේ උයිගුර් මුස්ලිම්වරුන්ට එරෙහි මානව හිමිකම් උල්ලංඝනය කිරීම් පිළිබඳව දැනුවත් කිරීමට කැපවී සිටින එක්සත් ජනපදය පදනම් කරගත් සංවිධානයක් වන නැගෙනහිර තුර්කිස්ථාන ජාතික ව්‍යාපාරය (ETNM) තම සටනට ජාත්‍යන්තර ප්‍රජාවේ සහය ඉල්ලා සිටිනවා.
ඔවුන් චීනයට චෝදනා කළේ මුස්ලිම් පල්ලි සහ අනෙකුත් ආගමික ස්ථාන 16,000ක් විනාශ කර ඇති බවටයි.
ඒවා සමාජ ශාලා සහ බාර් බවට පරිවර්තනය කර ඇති බව සංවිධානය චෝදනා කරනවා.
ඔවුන් පෙන්වා දෙන්නේ චීන රජය නැගෙනහිර තුර්කිස්තාන් ජාතියේ අනන්‍යතාවය විනාශ කිරීම සඳහා විවිධ උපාය මාර්ග දියත් කරමින් සිටින බවයි.
මෙම සංස්කෘතික විනාශකාරී ක්‍රියාවන් සිය ජනතාවගේ ආත්මය බිඳ දැමීමට සහ ඔවුන්ගේ තුර්කි සහ ඉස්ලාමීය උරුමයන් පැවැත්මෙන් මකා දැමීමට සැලසුම් කර ඇතැයි නැගෙනහිර තුර්කිස්ථාන ජාතික ව්‍යාපාරය සඳහන් කරනවා.
චීනය උයිගුර් මුස්ලිම්වරුන්ට එරෙහිව සිය ම්ලේච්ඡ ව්‍යාපාරය දිගටම කරගෙන යද්දී මුස්ලිම් රටවල් සහ ඉස්ලාමීය සහයෝගීතා සංවිධානය (OIC) මෙන්ම මධ්‍යම ආසියානු ජනරජයන් නිහඬව සිටින බවට ETNM චෝදනා කළා.
