“විනය සහ නීතිය බරපතළ ලෙස උල්ලංඝනය කිරීම” සම්බන්ධයෙන් රටේ ඉහළම නිලය දරන ජෙනරාල්වරයාට එරෙහිව පරීක්ෂණයක් ආරම්භ කර ඇති බව චීනයේ ආරක්ෂක අමාත්යාංශය පවසනවා.
ජනාධිපති ෂී ජින් පිංගේ සමීපතම හමුදා සගයා ලෙස සැලකෙන ජෙනරාල් ෂැං යූෂියාට එරෙහි චෝදනා පිළිබඳව අමාත්යාංශය වැඩිදුර තොරතුරු හෙළිකර නැහැ.
කෙසේ වෙතත් චීනයේ වැරදි කිරීමේ චෝදනාව සාමාන්යයෙන් දූෂණය සඳහා වන ආප්තෝපදේශයක්.
තවත් ජ්යෙෂ්ඨ හමුදා නිලධාරියෙකු වන ජෙනරාල් ලියු ෂෙන්ලි ද විමර්ශනයට ලක්ව ඇති බව අමාත්යාංශය සිය නිවේදනයේ සඳහන් කළා.
75 හැවිරිදි ෂැං, ජනාධිපති ෂීගේ නායකත්වයෙන් යුත් කොමියුනිස්ට් පක්ෂ කණ්ඩායම වන මධ්යම හමුදා කොමිසමේ (CMC) උප සභාපතිවරයෙක්.
ෂැං පක්ෂයේ ඉහළම තීරණ ගැනීමේ ආයතනය වන 24 දෙනෙකුගෙන් යුත් දේශපාලන මණ්ඩලයේ ද අසුන් ගන්නවා.
ඔහුගේ පියා චීන කොමියුනිස්ට් පක්ෂයේ ආරම්භක ජෙනරාල්වරුන්ගෙන් කෙනෙක්.
ෂැං 1968 දී හමුදාවට බැඳුණු අතර සටන් අත්දැකීම් ඇති ජ්යෙෂ්ඨ නායකයින් කිහිප දෙනාගෙන් කෙනෙක් ලෙස සැලකෙනවා.
චීන හමුදාව සඳහා සම්ප්රදායික විශ්රාම යාමේ වයස ඉක්මවා ඔහු තනතුරේ තබා ඇති අතර, එයින් ඇඟවෙන්නේ ජනාධිපති ෂී මේ දක්වා ඔහු කෙරෙහි තබා ඇති විශ්වාසයයි.
දෙසැම්බර් මාසයේ පැවති ඉහළ මට්ටමේ සාද උත්සවයකට ෂැං සහ ලියු සහභාගී නොවීම නිසා ඔවුන් පරීක්ෂණයකට මුහුණ දිය හැකි බවට කටකතා පැතිර යාමෙන් දින කිහිපයකට පසුව මෙම නිවේදනය නිකුත් කෙරුණා.
