චීනයෙන් පළමු ඔමික්‍රෝන් ආසාධිතයා වාර්ථාවෙයි..

කොවිඩ් වෛරසය මුලින්ම සොයා ගනු ලැබුවේ චීනයෙන්.නමුත් මේ වන විට චීනය බොහෝ දුරට කොවිඩ් පාලනය කර තිබෙනවා.ඒ සියලු කතාබහ මැද අවාසනාවන්ත ලෙස චීනයෙන් පළමු ඔමික්‍රොන් කොවිඩ් වෛරස් ප්‍රභේදය ආසාධිතයා හඳුනාගෙන තිබෙනවා.

විදේශයක සිට ටියැන්ජින් නගරයට පැමිණි පුද්ගලයෙකුයි මෙලෙස නව ප්‍රභේදය ආසාධිත බවට තහවුරු කරගෙන ඇත්තේ.කෙසේවෙතත් ඔහු කුමන රටක සිට පැමිණ ඇතිදැයි චීන බළධාරීන් විසින් අනවරණය කර නැහැ.

බෙයිජිං ශීත සෘතු ඔලිම්පික් උළෙල ඇතුලු උත්සව ගණනාවක් ඉදිරියේදී පැවැත්වීමට නියමිත බැවින් කොවිඩ් ව්‍යාප්තිය පාලනය කරගැනීමේ දැඩි ක්‍රියාන්විතයක චීනය යෙදී සිටිනවා.

එබැවින් ඔමික්‍රොන් ප්‍රභේදය පාලනයටද දැඩි පියවර අනුගමනය කෙරෙනු ඇති බව චීන වාර්තාවල සඳහන්.