ආයනය කළ ගල්අඟුරු නැව් දහයෙන් නැව් 08ක ගල් අඟුරු තොග මේ වනවිට ගොඩබා ඇති බව කැබිනට් මාධ්ය ප්රකාශක අමාත්ය නලින්ද ජයතිස්ස පවසනවා.
අද (24) පස්වරුවේ පැවති කැබිනට් තීරණ දැනුම්දීමේ මාධ්ය හමුවේ දී අමාත්යවරයා මේ බව පැවසුවා.
එලෙස ගොඩබෑ ගල්අඟුරු නැව් අටෙන් නැව් 06ක වාර්තා මේ වනවිට ලැබී ඇති බවයි අමාත්යවරයා සඳහන් කළේ.
අදාළ නැව් හයේ තිබූ ගල්අඟුරු නියමිත ප්රමිතියෙන් තොරවීම හේතුවෙන් දඩ අයකර ගැනීමට කටයුතු කර ඇති බවයි ඔහු වැඩිදුරටත් පැවසුවේ.
ඒ, අනුව පළමු නැවෙන් ඩොලර් මිලියන 2.07ක දඩමුදලක් අයකරගෙන ඇති අතර, දෙවන නැවෙන් ඩොලර් 403,601ක්, තුන්වන නැවෙන් ඩොලර් 484,929ක්, හතරවන නැවෙන් ඩොලර් 345,652ක්, පස්වන නැවෙන් ඩොලර් 500,192ක් සහ හයවන නැවෙන් ඩොලර් 510,677ක් ලෙස දඩ අයකරගෙන ඇති බවයි කැබිනට් මාධ්ය ප්රකාශකවරයා පැවසුවේ.
මේ අතර ප්රමිතියෙන් තොර ගල්අඟුරු ආනයන තුළින් ඇතිවන බව කියන පාඩුව ගණනය කර වාර්තාවක් නිකුත් කිරීමට මොරටුව සහ ජයවර්ධනපුර විශ්ව විද්යාලවල කථිකාචර්යවරුන් සහ අමාත්යාංශ නිලධාරීන්ගේ සමන්විත කමිටුවක් පත් කිරීමට නියමිත බවයි වාර්තා වුණේ.
