කටුනායක ගුවන් තොටුපොළෙන් ඕස්ට්‍රේලියාවේ මෙල්බර්න් නුවර බලා අද (09) අලුයම පිටත්ව යාමට නියමිතව තිබූ ශ්‍රී ලන්කන් ගුවන් යානය තාක්ෂණික දෝශයකට ලක් වීම හේතුවෙන් අවලංගු කිරීමට සිදු වුණා.
ශ්‍රී ලන්කන් ගුවන් සේවයේ යූ.එල් – 604 දරණ ගුවන් යානය අද දින අලුයම 12.30ට කටුනායක ගුවන් තොටුපොළෙන් මෙල්බර්න් නුවර බලා පිටත්ව යාමට නියමිතව තිබුණා.
මේ අතර ගුවන් යානා කිහිපයකට බලපෑ තාක්ෂණික දෝෂ හේතුවෙන් ශ්‍රී ලංකන් ගුවන් සමාගමට පසුගිය දින කිහිපය තුළ ගුවන් ගමන් කිහිපයක් අවලංගු කිරීමට සිදු වුණා.
මේ හේතුවෙන් ගුවන් මගීන්ට සිදුවූ අපහසුතාවය පිළිබඳව සමාව අයදින බව ගුවන් සමාගම නිවේදනයක් නිකුත් කරමින් සඳහන් කරනවා.
එමෙන්ම ගුවන් ගමන් වාර අවලංගු වීම හේතුවෙන් අපහසුතාවයට පත් වූ ගුවන් මගීන්ට අවශ්‍ය වූ ආහාර සහ නවාතැන් පහසුකම් සපයා දී ඇති අතර, සියලු දෙනාම ඔවුන්ගේ අවසන් ගමනාන්ත වෙත රැගෙන යාමට කටයුතු කරමින් සිටින බව ද අදාළ නිවේදනයේ දැක්වෙනවා.
