ගාල්ල වරායේ නැංගුරම්ලා තිබූ නෞකාවකින් මුහුදට ඇද වැටුණු විදෙස් ජාතිකයෙකු කරාපිටිය රෝහලට ඇතුළත් කිරීමෙන් පසු මියගොස් තිබෙනවා.
මෙලෙස මියගොස් ඇත්තේ එම නෞකාවේ ප්‍රධාන ඉංජිනේරුවරයා ලෙස සේවය කළ ලිතුවේනියානු ජාතිකයෙක් බවයි අප වාර්තාකරු සඳහන් කළේ.
අයහපත් කාලගුණ තත්ත්වය හේතුවෙන් පසුගිය 29 වනදා අබුඩාබි රාජ්‍යයට අයත් මෙම නෞකාව ගාල්ල වරාය වෙත පැමිණ නැංගුරම්ලා තිබුණා.
එලෙස තිබියදී යි මෙම විදෙස් ජාතිකයා මියගොස් ඇත්තේ.
මළ සිරුර කරාපිටිය රෝහලේ මෘත ශරීරාගාරයේ තැන්පත් කර ඇති අතර ලිතුවේනියා තනාපති කාර්යාලය දැනුවත් කර ඉදිරියේදී පශ්චාත් මරණ පරීක්ෂණයක් පැවැත්විමට නියමිතයි.
සිද්ධිය සම්බන්ධයෙන් වැඩිදුර පරීක්ෂණ ගාල්ල වරාය පොලිස් ස්ථානය මගින් සිදුකරනවා.
ඔබේ ප්‍රතිචාරය කුමක්ද ?
+1
+1
+1
1
+1
2
+1
1
+1
2
+1
2
