2022 ඉන්දීය ප්‍රිමියර් ලීග් තරගාවලියේ ශූරයින් බවට පත්වන්නට කෝඩුකාර ගුජරාටි ටයිටන්ස් කණ්ඩායම ඊයේ(29) රාත්‍රියේ සමත් වුණා.
ඒ මෙවර තරගාවලියේ අවසන් මහා තරගයේදී ඔවුන්ගේ ප්‍රතිවාදීන් වූ ප්‍රබල රාජස්ථාන් රෝයල්ස් කණ්ඩායම පරාජය කරමින්.
ගුජරාටි ක්‍රීඩකයින් මෙම තරගය ජය ගත්‍තේ කඩුලු 07කින්.
ඒ අනුව අයි.අයි.පී.එල් ඉතිහාසයේ පළමු ශූරයින් වූ රාජස්ථාන් රෝයල්ස් පිල පරාජය කරමින් මෙවර තරගාවලියට අලුතින්ම එක් වූ ගුජරාටි ටයිටන්ස් පිල 2022 ඉන්දීය ප්‍රිමියර් ලීග් තරගාවලියේ ශූරයින් ලෙස කිරුළු පැළදියා.
අවසන් මහා තරගයේ කාසිය වාසිය දිනූ රාජස්ථාන් ක්‍රීඩකයින් පළමුව පන්දුවට පහරදීමට තීරණය කළ අතර ඔවුන් නියමිත පන්දුවාර 20 තුළ රැස්කළ ලකුණු සංඛ්‍යාව 130ක්.
ලකුණු 131ක ජයග්‍රාහී ඉලක්කයක් හඹා යාමට පිටියට පිවිසි ගුජරාටි ක්‍රීඩකයින් එම ඉලක්කය පන්දු 11ක් ඉතිරිව තිබියදී පසුකර යාමට සමත් වුණා.
