මිදිගම පොලිස් බුද්ධි අංශයේ නිලධාරීන් ට ලැබුන තොරතුරක් අනුව වැලිගම, ඉබ්බාවල ප්රදේශයේ දී පොලිසිය සමගින් කරන ලද වැටලීමකදී අයිස් මත්ද්රව්ය කිලෝ එකයි ග්රෑම් අටසීයක් සමගින් පුද්ගලයකු අත්අඩංගුවට ගත් බව මිදිගම පොලිසිය පවසනවා.
බුද්ධි අංශ නිලධාරීන් අද අළුයම ඉබ්බාවල, මාස්හේන ප්රදේශයේ පාලු නිවසක පිරිසක් සිටින බව කියා ලත් තොරතුරක් අනුව එම ස්ථානය පරික්ෂා කිරීමට යන විට එහි සිටි පුද්ගලයන් සිව්දෙනෙකු ගංජා මත්ද්රව්ය භාවිතා කරමින් සිට ඇති බවයි වාර්තා වන්නේ.
පසුව ඉන් පුද්ගලයන් තිදෙනකු පොලිසිය පැමිණි බව ඇති බවට හඳුනාගත් විට යතුරු පැදියක් සහ එක් අයෙකු එහි දමා පලාගොස් තිබුණා.
අත්අඩංගුවට ගත් පුද්ගලයා පරික්ෂා කිරීමෙන් අනතුරුව ස්කූටි වර්ගයට අයත් යතුරු පැදිය ද පරික්ෂා කිරීමේදී එහි අසුන යට භාණ්ඩ බහාලුමේ සූක්ෂම ලෙස පාර්සල් දෙකක අසුරන ලද අයිස් මත්ද්රව්ය කිලෝ ග්රෑම් 1800ක් පමණ සොයා ගෙන තිබෙනවා.
මෙහිදී පලාගිය පුද්ගලයන් තිදෙනා සොයා පොලිසිය විමර්ශන සිදුකරන අතර මෙතෙක් ඔවුහු අත්අඩංගුවට ගැනීමට පොලීසිය අසමත් වී නැහැ.
කෙසේවෙතත් අත් අඩංගුවටගත් මත්ද්රව්ය වල වටිනාකම රුපියල් කෝටි දෙකකට අධික බවයි පොලිසිය පවසන්නේ.
අත්අඩංගුවට ගත් සැකකරු හෙට (03) මාතර මහේස්ත්රාත් අධිකරණයට ඉදිරිපත් කිරීමට නියමිතයි.
