වර්ෂයක් පුරා බුලත් විට විකුණා ගත් ආදායමෙන් ඉතිරි කරගත් කොටසකින් ඓතිහාසික දිඹුලාගල ආරණ්ය සේනාසනයේ වැඩ වෙසෙන සියක් නමක් භික්ෂූන් වහන්සේලා උදෙසා ජනවාරි පළවෙනිදා දානමය පිංකමක් සිදුකල අපූරු වෙළෙන්දෙකු පොලොන්නරුව මනම්පිටිය ප්රදේශයෙන්ව වාර්තා වනවා.
ඔහු නමින් සුනිල් සමරතුංග. 61 හැවිරිදි දෙදරු පියකු වන සුනිල් පොළොන්නරුව මඩකළපුව ප්රධාන මාර්ගයේ මනම්පිටිය ඉන්ධන පිරවුම්හල ඉදිරිපිට බුලත්විට විකුණමින් ජීවිතය ගෙනයනවා.
දෛනිකව බුලත්විට විකුණන ඔහු දිනකට රුපියල් දාහක මුදලක් අනිවාර්යෙන් මෙම දානමය පිංකම් සඳහා ඉතිරි කරගන්නා බවයි ඔහු පවසන්නේ.
ඒ අනුව එම මුදල වැය කරමින් ඓතිහාසික දිඹුලාගල ආරණ්ය සේනාසනයේ යෝගාවචර භික්ෂූන් වහන්සේලාට මෙන්ම වැඩ වාසය කරන භික්ෂුන් වහන්සේලාට සහ සාමණේර භික්ෂුන් වහන්සේලාට සපිරිකර සහිත දානමය පිංකම පළවෙනිදා සිදුකරන ද්දේ තම පවුලේ දූ දරුවන් මෙන්ම ඥාති මිත්රාදීන් සහ අසල්වාසීන් ද එකතු කර කර ගනිමින්.
තමන් පුවත් කැපීම සඳහා අසල්වාසි පවුල් හතරකට රැකියා අවස්ථා ලබා දී ඇති බවත්. ඔවුන්ද මෙම දානමය පිංකම්ට දායක කර කරගනිමින් විවිධ දුෂ්කරතා මැද දිඹුලාගල ආරණ්ය සේනාසනයේ වැඩ වාසය කරන සියලු මහා සංඝරත්නයට මෙම දානමය පිංන්කම සිදුකර රටේ සියලු ව්යාපාරිකයන්ට ආදර්ශයක් ලබාදීමට තීරණය කළ බවත් ඔහු වැඩිදුරටත් සඳහන් කළා.
