සංවර්ධන ලොතරැයි මණ්ඩලයේ හිටපු සභාපති චන්ද්රවංශ පතිරාජට එරෙහිව පවරා තිබූ නඩුවේ පැමිණිල්ල වෙනුවෙන් සාක්ෂි ලබාදීම සඳහා ලබන වසරේ පෙබරවාරි 05 වැනිදා අධිකරණය හමුවේ පෙනී සිටින ලෙසට කොළඹ මහාධිකරණ විනිසුරු ආර්. එස් සපුවිද මහතා අද අමාත්ය විජිත හේරත්ට නියම කළා.
නඩුව අද (29) කැඳ වූ අවස්ථාවේ පැමිණිල්ල වෙනුවෙන් සාක්ෂි ලබාදීමට විජිත හේරත් අමාත්යවරයා අධිකරණය හමුවේ පෙනී සිටියා.
කෙසේ වෙතත් අද (29) දින නඩුව කැඳ වූ අවස්ථාවේ විත්තිකාර චන්ද්රවංශ පතිරාජ වෙනුවෙන් පෙනී සිටි නීතිඥවරු ඔහුගේ විදෙස් ගමන් තහනම ඉවත් කරන ලෙස අධිකරණයෙන් ඉල්ලා සිටියා.
කරුණු සලකා බැලූ විනිසුරුවරයා විත්තිකරුගේ විදෙස් ගමන් තහනම ඉවත් කළ අතර පැමිණිල්ලේ සාක්ෂි විභාගය පෙබරවාරි 05 කැඳවීමට දින නියෝග කළා.
දූෂණ විරෝධී සංවිධානය විසින් කරන ලද පැමිණිල්ලක් සලකා බැලූ අල්ලස් හෝ දූෂණ විමර්ශන කොමිෂන් සභාව 2012.05.15 වනදා හා ඊට ආසන්න කාලයේ දී සංවර්ධන ලොතරැයි මණ්ඩලයේ සභාපතිවරයා ලෙස කටයුතු කරමින් සිටිය දී ජනජය ලොතරැයි අලෙවි කිරීම ප්රවර්ධනය සඳහා විද්යුත් බැනර් සැපයීමට අදාළ කොන්ත්රාත් ලබාදීමේ දී සිදුවූයේ යැයි දූෂණයක් පිළිබඳව චෝදනා නඟමින් හිටපු සභපති චන්ද්රවංශ පතිරාජට එරෙහිව එම නඩුව පවරා තිබුණා.
