කොවිඩ් එන්නත දෙන්නත් ‘දේශපාලන හිතවතුන්ට’ වෙනම දොරක් ඇරපු තැනක්

චීනයේ නිෂ්පාදිත සිනොෆාම් එන්නත ලබාදීම අද (11) ස්ථාන රැසක සිදු කරනවා.

ඒ කොවිඩ් ව්‍යාප්තිය සැළකිල්ලට ගනිමින් තෝරාගත් ස්ථානවල බවයි සෞඛ්‍ය බලධාරීන් සඳහන් කළේ.

මේ අතර බත්තරමුල්ල රජමල්වත්ත ප්‍රදේශවාසීන්ට (492D ග්‍රාම සේවා වසමේ) කොවිඩ් එන්නත ලබාදීම මේවනවිට සිදුවන අතර ප්‍රාදේශීය දේශපාලන නායකයන් තම හිතවතුන්ට වෙනත් දොරකින් කැඳවා එන්නත ලබාදීම නිසා අර්බුධකාරී තත්ත්වයක් මතුව තිබෙනවා.

විශාල පිරිසක් උදෑසන 7.30 සිට පෝලිම් ගැසී මාර්ගයේ රැඳී සිටින අතර දේශපාලන නායකයන් හිතවතුන්ට පමණක් පෝලිම මගහැර එන්නත ලබා ගැනීමේ අවස්ථාව සලසා තිබුණා.

මේ හේතුවෙන් එක්සත් ජාතික පක්ෂයේ කඩුවෙල නගර සභා මන්ත්‍රීවරයෙක්ට ප්‍රදේශවාසියෙක් දැඩි විවේචන එල්ල කරන අයුරු දක්නට ලැබුණු බවයි වාර්තාකරු සඳහන් කළේ.

එම ස්ථානයේ ඡායාරූප පහතින් දැක්වෙනවා.