ඉදිරි මාස කිහිපය තුළ කොරෝනා වෛරස් ගෝලීය වසංගතය පාලනය කිරීමට ලෝකය සමත් වනු ඇති බව ලෝක සෞඛ්‍ය සංවිධානය පවසනවා.
ජිනිවා නුවර ඊයේ පැවති මාධ්‍ය හමුවේදී එහි ප්‍රධානී ටෙඩ්‍රොස් ඇඩනම් ගෙබි්‍රයේසස් කියා සිටියේ ඒ සඳහා අවශ්‍ය වන සම්පත් සමාන අන්දමින් බෙදා හැරීම සිදුකළ යුතු බවයි.
මෙම මාධ්‍ය හමුවට ගෝලීය කාලගුණ වෙනස අවම කිරීමට කටයුතු කරන යොවුන් ක්‍රියාකාරිනියක වන ග්‍රේටා තන්බර්ග් ද ස්වීඩනයේ සිට එක්වුණා.
එහිදී ඇය, දුප්පත් රටවල අවදානම් කාණ්ඩවලට ද කොරෝනා එන්නත් නොමැතිව තිබියදී ධනවත් රටවල් තරුණ පිරිසට ද කොරෝනා එන්නත් ලබාදීමට කටයුතු කිරීම සදාචාරාත්මක නොවන බව කියා සිටියා.
ලෝක සෞඛ්‍ය සංවිධාන ප්‍රධානියා වැඩිදුරටත් කියා සිටියේ තිරසාර ලෙස සමාන අන්දමින් යෙදවිය හැකි නම් කොරෝනා වසංගතය පාලනය කිරීමේ යාන්ත්‍රණයන් තමන් සතු වන බවයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
83
