අසත්ය තොරතුරු ඉදිරිපත් කළ ව්යාජ ලෙස විදෙස් ගමන් බලපත්ර ලබාගැනීමය උත්සාහ කළ දෙදෙනෙක් තැනැත්තන් වෙළඳාම, ජාවාරම් විමර්ශන හා සමුද්රීය අපරාධ විමර්ශන ඒකකය විසින් අත්අඩංගුවට ගෙන තිබෙනවා.
මෙම සැකකරුවන් දෙදෙනා අපරාධ පරීක්ෂණ දෙපාර්තමේන්තුව වෙත කැඳවා සිදුකළ ප්රශ්න කිරීම්වලින් අනතුරුවයි අත්අඩංගුවට ගෙන ඇත්තේ.
මෙලෙස අත්අඩංගුවට ගැනුණු සැකකරුවන් දෙදෙනා වයස අවුරුදු 32 සහ 51 යන වයස්වල පසුවන මාලිගාකන්ද හා ඇහැළියගොඩ යන ප්රදේශවල පදිංචිකරුව වන අතර, ඔවුන් බත්තරමුල්ල සහ කොහුවල යන ප්රදේශවල පිහිටි ස්ටූඩියෝ දෙකක හිමිකරුවන්.
මෙම සැකරුවන් විසින් දැනට විදේශ ගතව සිටින සංවිධානාත්මක අපරාධකරුවෙකු වන කෝරාළගමගේ මන්දිනු පද්මසිරි පෙරේරා නොහොත් කෙහෙල්බද්දර පද්මේ යන අයගේ ඡායාරූප වට්සැප් මගින් ලබාගෙන එය සංස්කරණය කර විදෙස් ගමන් බලපත්ර සැකසීම සඳහා ව්යාජ ලෙස ආගමන විගමන දෙපාර්තමේන්තුව වෙත යොමුකර ඇති බවයි අනාවරණය වී ඇත්තේ.
විමර්ශන වල දී වැඩිදුරටත් අනාවරණය වී ඇත්තේ කෙහෙල්බද්දර පද්මේ විසින් 2014 වර්ෂයේ ලබාගෙන තිබූ විදෙස් ගමන් බලපත්රයකින් 2021 වසරේ විදෙස් ගතව ඇති බවයි.
එම විදෙස් ගමන් බලපත්රය 2024 වසරේ කල් ඉකුත්වීම මත ඔහු විදේශ ගතව සිටිය දී ඔහුගේ ඡායාරුපය සහ තොරතුරු ව්යාජ ලෙස ආගමන විගමන දෙපාර්තමේන්තුව වෙත යොමුකර එක්දින සේවාව මඟින් 2024 වසරේ දී වංචනික ලෙස නව විදෙස් ගමන් බලපත්රයක් ද, ඔහුගේ ඡායාරූපය ඇතුළත් කර වෙනත් නම් දෙකකින් 2025 වසරේ දී ව්යාජ ලෙස විදෙස් ගමන් බලපත්ර දෙකක් ද ලබාගෙන ඇති බවයි අනාවරණය වී ඇත්තේ.
අත්අඩංගුවට ගැනුණු සැකකරුවන් තිදෙනා ඊයේ (23) කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමෙන් පසු ලබන 29 වනදා දක්වා රක්ෂිත බන්ධනාගාර ගතකර තිබෙනවා.
