සලිඳු මල්ෂික ගුණරත්න නොහොත් කුඩු සලිඳු නැමැත්තා රුපියල් ලක්ෂ 10 බැගින් වූ ශරීර ඇප 03ක් මත නිදහස් කරන ලෙස පානදුර මහාධිකරණ විනිසුරු සමන් කුමාර මහතා නියෝග කර තිබෙනවා.
එම ශරීර ඇපවලට අමතරව සැකකරු වෙත දැඩි ඇප කොන්දේසි ද නියම කිරීමටයි මහාධිකරණ විනිසුරුවරයා නියෝග කළේ.
සලිඳු මල්ෂික ගුණරත්න නොහොත් කුඩු සලිඳු 2023 මාර්තු මස 15 දින මැඩගස්කරයේ දී අත්අඩංගුවට ගෙන දිවයිනට රැගෙන එනු ලැබුවා.
අංක 96863 සහ 85145/22 දරණ නඩුවලට අදාළව රිමාන්ඩ් බන්ධනාගාර ගතකර සිට සැකකරු පානදුර මහාධිකරණයට ඉදිරිපත් කිරිමෙන් අනතුරුවයි අද (20) දිනයේ ඇප ලබා නියම කළේ.
ඇප ලබාදෙමින් අධිකරණය සඳහන් කළේ මෙම නඩුව 2025 පෙබරවාරි 10 දින යළි කැඳවන බවයි.
ත්‍රස්තවාදී ක්‍රියා සිදුකිරීම සහ මනුෂ්‍ය ඝාතනයක් සිදුකර ඇති බවට ඔහුට එරෙහිව චෝදනා එල්ල බි තිබෙනවා.
නීතිඥ ජාලිය සමරසිංහ , ජයබදු කළුපහන, හේමන්ත කුමාර ,අශෝක ධර්මරත්න, බී.ඒ.ආර්. බමුණුසිංහ, ශානිකා කාරියවසම්, සංජුලා සුරවීර සහ එච්.කේ.කේ. හීනටිගල යන නීතිඥයින් විත්තිය වෙනුවෙන් පෙනී සිටියා.
.
