2024-2025 වර්ෂයට අදාළ අධ්යයන පොදු සහතික පත්ර සාමාන්ය පෙළ විභාගය සඳහා අයදුම්පත්ර කැඳවීම ආරම්භ කර තිබෙනවා.
ශ්රී ලංකා විභාග දෙපාර්තමේන්තුව නිවේදනය කළේ; නොවැම්බර් මස 05 වැනි දින සිට නොවැම්බර් මස 30 වැනි දින දක්වා මාර්ගගත ක්රමය ඔස්සේ (Online) මේ සඳහා අපේක්ෂකයින්ට ඉල්ලුම් කළ හැකි බවයි.
ඒ අනුව සියලුම පාසල් අයදුම්කරුවන් තම පාසලේ විදුහල්පති මගින් ද පෞද්ගලික අයදුම්කරුවන් පෞද්ගලිකව අදාළ උපදෙස් අනුව ද මාර්ගගතව අයදුම්පත්ර යොමු කළ යුතු බවයි පැවසෙන්නේ.
පෞද්ගලික අයදුම්කරුවන් සාපෙළ විභාගය සඳහා අයදුම් කිරීමේ දී ජාතික හැඳුනුම්පත භාවිත කර අයදුම් කළ යුතු අතර ජාතික හැඳුනුම්පත නොමැති පෞද්ගලික අයදුම්කරුවන් තම භාරකරුගේ (මව) හෝ (පියා) ගේ ජාතික හැඳුනුම්පත භාවිත කර ලියාපදිංචි වී එකී අයදුම්පත්ර යොමු කළ යුතු වනවා.
ශ්රී ලංකා විභාග දෙපාර්තමේන්තුවේ නිල වෙබ් අඩවිය වන https://www.doenets.lk/ හෝ https://onlineexams.gov.lk/onlineapps/ වෙත පිවිස අදාළ උපදෙස් හොඳින් කියවා ඒ අනුව ම නිවැරදිව අයදුම්පත්ර ඉදිරිපත් කළ යුතු බවයි ශ්රී ලංකා විභාග දෙපාර්තමේන්තුව පවසන්නේ.
නොවැම්බර් මස 30 වැනි දින මධ්යම රාත්රී 12න් පසුව මෙම විභාගය සඳහා අයදුම් කිරීමට දී තිබූ කාලය අවසන් වනු ඇති.
කිසිදු හේතුවක් මත අයදුම්පත්ර භාරගැනීමේ අවසන් දිනය දීර්ඝ කිරීමක් සිදු නොකරන බව ද ශ්රී ලංකා විභාග දෙපාර්තමේන්තුව දැනුම්දෙනවා.
මීට අමතරව වැඩිදුර විස්තරයක් 011-2784208 හෝ 011-2785922 යන දූරකථන අංක ඔස්සේ ද විමසීම් කළ හැකි බවයි විභාග කොමසාරිස් ජනරාල් අමිත් ජයසුන්දර මහතා පවසන්නේ.
