විවෘත සහ වගකිවයුතු රජයක් සඳහා වන ආංශික අධීක්ෂණ කාරක සභාව වෙත ගරුතර ස්වාමීන්වහන්සේලාගේ අදහස් ලබා ගැනීම පාර්ලිමේන්තුවේදී සිදු වී තිබෙනවා.
මෙම අදහස් ලබාගැනීම සිදු වූයේ විවෘත සහ වගකිවයුතු රජයක් සඳහා වන ආංශික අධීක්ෂණ කාරක සභාව එහි සභාපති පාර්ලිමේන්තු මන්ත්රී ජගත් කුමාරගේ සභාපතිත්වයෙන් පාර්ලිමේන්තුවේදී රැස් වූ අවස්ථාවේදීයි.
මෙහිදී විවෘත සහ වගකිව යුතු රජයක් සකස්කිරීම සඳහා සම්පාදනය විය යුතු අණ පනත් පිළිබඳව සහ සංශෝධනය විය යුතු අණ පනත් පිළිබඳව පැමිණ සිටි ස්වාමීන් වහන්සේලා විසින් සිය අදහස් සහ යෝජනා ඉදිරිපත් කර තිබෙනවා.
එසේම මෙහිදී රටේ සෑම අංශයක් සම්බන්ධයෙන්ම ජාතික ප්රතිපත්ති සකස් කිරීමේ අවශ්යතාවය ස්වාමීන්වහන්සේලා පෙන්වා දුන් අතර විශේෂයෙන්ම දේශපාලන ප්රතිපත්තිය සහ ජාතික ප්රතිපත්තිය පටලවා නොගෙන සෑම ආණ්ඩුවක් විසින්ම අඛණ්ඩව ක්රියාත්මක කරන ජාතික ප්රතිපත්තියක් මෙරටට වැදගත් වන බවයි උන්වහන්සේලා පෙන්වාදී ඇත්තේ.
එසේම අන්යාගමික සංවිධානවල අවශ්යතාව මත ස්වාමීන් වහන්සේලා සම්බන්ධයෙන් ගොඩනගන වෛරී ප්රකාශන සම්බන්ධයෙන් ක්රියාත්මක වීමට නෛතික පියවර ගැනීමේ අවශ්යතාවද මෙහිදී ඔවුන් පෙන්වා දෙනු ලැබුවා.
මෙම ඉදිරිපත් කළ කරුණු සම්බන්ධයෙන් මෙම කමිටුවට සිදු කළ හැකි මැදිහත්වීම කිරීමට කටයුතු කරන බවයි කාරක සභාවේ සභාපතිවරයා මෙහිදී ප්රකාශ කළේ. එසේම මෙම ඉදිරිපත් කළ යෝජනා සම්බන්ධ වාර්තාවක් පාර්ලිමේන්තුවට ඉදිරිපත් කිරීමට කටයුතු කරන බව ද ඒ මහතා පෙන්වා දී තිබෙනවා.
මෙම කාරක සභාව සඳහා පූජ්ය ආණමඩුවේ ධම්ම දස්සී, පහමුනේ සුමංගල, වලේබොඩ ගුණසිරි, කිවුලේ ගෙදර නාරද, ඉඳුරාගාරේ ධම්මරතන, පින්නවල සංඝසුමන, නාඹිරිත්තන්කඩවර ඥානරතන, මැදගොඩ අබයතිස්ස, කුඹල්ගොඩ ධම්මාලෝක, කන්දේගම දීපවංශාලංකාර සහ අකුරටියේ නන්ද යන නාහිමිවරුන් සහභාගී වුණා.
