පුත්තලම නෙඩුම්කුලම් ප්රදේශයේ ස්ථාන කිපයක ලෙස කපුටන් මිය ගොස් ඇති බව ජනතාව පවසනවා.
කපුටන් 100කට ආසන්න ප්රමාණයක් නෙඩුම්කුලම් ප්රදේශයේ ස්ථාන කිපයක මිය ගොස් ඇති බවයි ප්රදේශවාසින් පෙන්වා දෙන්නේ.
මරණයට පත්ව සිටින කපුටන් ආසන්න ප්රදේශවල අහසේ කපුටන් විශාල ලෙස පියාඹින් සිටින ආකාරය ද දැක ගත හැකි බව අප වාර්තාකරුවන් සඳහන් කළා.
මෙලෙස කපුටන් මිය යාම කුමන හේතුවක් මත සිදුවූවක් ද යන්න මෙතෙක් අනාවරණ වී නැහැ.
මරණයට පත් වූ කපුටන්ගේ සිරුරු තැනින් දැක ගත හැකි අතර ජනතාව ප්රකාශ කළේ මීට පෙර කිසිදු අවස්ථාවක මෙලෙස කපුටන් මියගොස් ඇති ආකාරය දැක නොමැති බවයි.
ඇතැම් කපුටන් පියාසර කරමින් සිටියදී එකවර බිමට පතිත වූ බවත් එලෙස වැටුණු කපුටන් විනාඩි කිහිපයකින් මරණයට පත්වන ආකාරය තමන් දුටු බව ද ඔවුන් සඳහන් කළා.
ඇතැම් ප්රදේශවාසීන් එලෙස බිම පතිත වී සිටින කපුටන්ට ජලය පානය කරවීමට ද උත්සාහ කර තිබුණා.
ප්රදේශවාසීන් මේ පිළිබඳව පුත්තලම පශු වෛද්ය නිලධාරීවරයා දැනුවත් කර තිබෙනවා.
පුත්තලම පශු වෛද්ය නිලධාරී චන්දික සමරසිංහ මහතාගෙන් කළ විමසිමේදී ඔහු කියාසිටියේ මියගොස් ඇති කපුටන්ගේ සිරුරු සාම්පල හලාවත පශු විමර්ශ ඒකකය මගින් පරීක්ෂණ සඳහා රැගෙන ගොස් ඇති බවයි.
ඒ පිළිබඳව ලැබෙන පරීක්ෂණ වාර්තා පදනම් කර ගනිමින් ඉදිරි කටයුතු සිදු කිරීමට සූදානම් බව ද ඔහු සඳහන් කළා.
wpDiscuz
