කදුරුවෙල නගරයට වන අලියෙක් (වීඩියෝ)

පොළොන්නරුව කදුරුවෙල නගරයට වන අලියෙක් පැමිණිම නිසා අද පෙරවරුවේ නගරයේ නොසන්සුන් තත්වයක් හට ගෙන තිබුණා.

ජල ගැලුම් නිම්න ජාතික වනෝද්‍යානයේ සිටින වන අලියෙකු අද උදෑසන මෙලෙස පැමිණ තිබුනේ වසර 15කට පමණ පසුව බවයි ප්‍රදේශවාසීන් පවසන්නේ.

දුම්රිය මාර්ගය හරහා කදුරුවෙල නගරයට පැමිණ තිබූ වන අලියා නගරයේ මාර්ග දිගේ ගමන් කරනා දර්ශන ප්‍රදේශවාසීන් ජංගම දුරකථනවල සටහන් කරගෙන තිබුණා.

පසුව පොළොන්නරුව වනජීවී නිලධාරීන් පැමිණ වන අලියා නැවතත් ජල ගැලුම් නිම්නයට පලවා හැර තිබෙනවා.