හින්දු භක්තියන් විසින් වාර්ෂික ව සිදු කරනු ලබන කතරගම දෙවියන් පිදීමේ පාද යාත්‍රාව ‘කුමන ජාතික වන උද්‍යානයේ’ ඔකඳ දේවාලය අසලින් ආරම්භ වුණා.
මෙම පාද යාත්‍රාව කිලෝමිටර් 79ක් පමණ කුමන හා යාල ජාතික වන උද්‍යානය හරහා ගොස් කතරගම දේවාලය දක්වා ගමන් කරනු ලබනවා.
වාර්ෂික ව සිදු කරන මෙම කටයුත්ත සඳහා දිවයිනේ නන් දෙසින් පැමිණෙන හින්දු භක්තිකයින් විශාල සංඛ්‍යාවක් සහභාගී වන අතර, මෙම කටයුතු සාර්ථක කර ගැනීම සඳහා යුද්ධ හමුදාව වෙතින් අවශ්‍ය පහසුකම් සැලසීම මෙවරත් සිදු කරන බවයි වාර්තා වන්නේ.
එම පාද යාත්‍රාවේ ගමන් ගන්නා භක්තිකයන්ගේ ආරක්ෂාව තහවුරු කිරිම සඳහා යුද්ධ හමුදා සාමාජිකයින් යොදවා ඇති අතර, පාද යාත්‍රාවේ ගමන් ගන්නා සියලු දෙනාගේ පහසුව සඳහා ජල සහ සෞඛ්‍ය පහසුකම් ලබාදීමේ කටයුතු සඳහා ද යුද්ධ හමුදාධිපතිතුමාගේ උපදෙස් පරිදි හමුදා සාමාජිකයින් යෙදවීමට කටයුතු කර තිබෙනවා.
ඔබේ ප්‍රතිචාරය කුමක්ද ?
+1
+1
+1
2
+1
+1
+1
+1
