සොරකම් කිරීම් සහ මංකොල්ලකෑම් 20කට පමණ වරෙන්තු ලබා සිටි පිංකැටයා යන අනුවර්ත නාමයෙන් ප්රසිද්ධව සිටි සැකකරුවෙක් අත්අඩංගුවට ගැනීමට වලස්මුල්ල පොලීසියට හැකිව තිබෙනවා.
මෙම සැකකරු වරක් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රිමාන්ඩ් බන්ධනාගාර ගතකර තිබෙනවා.
කෙසේ වෙතත් වලස්මුල්ල රෝහලට ඔහුව ඇතුළත්කර බන්ධනාගාර නිලධාරීන්ගේ ආරක්ෂාව යටතේ සිටියදී ව සිටියදී ඇති වූ වලස්මුල්ල රෝහල බන්ධනාගාර නිලධාරීන්ගේ ආරක්ෂාව යටතේ සිටියදී පසුගිය පෙබරවාරි 28 වැනිදා ඔහු පලාගොස් ඇති බවයි වාර්තා වන්නේ.
මෙම සැකකරු එලෙස සැගව සිටියදීත් වලස්මුල්ල ප්රදේශයේ සත්ව සායනයකින් මුදල් ලක්ෂ තුනක් සොරකම්කර ඒ ආසන්නයේ තිබු යතුරු පැදියක් ද ගෙන පලාගොස් ඇති අතර අනතුරව වලස්මුල්ල නගරයේ රියදුරු පාසලක නතරකර තිබු බස් රථයක් රාත්රී කාලයේ සොරකම් කරගෙන එහි නැගී මාතර බලා ගොස් බස්රථය මාතර බස් නැවතුම්පොළ ආසන්නයේ දමා පලාගොස් තිබෙනවා.
ඒ අනුව සැකකරු මෙලෙස සැගව සිටියදී මොහු අද (08) අළුයම 03ට පමණ පොලීසිය සහ පොලිස් විශේෂ කාර්යංශය මගින් අත්අඩංගුවට ගෙන තිබෙනවා.
සසන් කල්හාර නොහොත් නොහොත් පිංකැටයා නම් අන්වර්ථ නාමයෙන් හඳුන්වන මෙම සැකකරු අද (08) දින වලස්මුල්ල අධිකරණයට ඉදිරිපත් කිරීමට නියමිතයි.
