එළෙඹෙන උත්සවය සමය වෙනුවෙන් මහජනතාවගේ ආරක්ෂාව සඳහා පොලිස් නිලධාරීන් 40,000ක් දිවයින පුරා ආවරණය වන පරිදි යෙදවීමට කටයුතු කර තිබෙනවා.
මහජතාව වැඩි වශයෙන් ගැවසෙන ස්ථාන ආශ්‍රිතව නිල ඇඳුමෙන් සැරසුණු නිලධාරීන්ට අමතරව සිවිල් ඇඳුමෙන් නිලධාරීන් සහ නිලධාරිනියන් 500කට අධික ප්‍රමාණයක් යෙදවීමට කටයුතු කර ඇති බවයි පොලිස් මාධ්‍ය කොට්ඨසය සඳහන් කළේ.
ඊට අමතරව බුද්ධි නිලධාරීන් ද යෙදවීමට කටයුතු කරන අතර, ඔවුන්ව රාජකාරි කටයුතු අධීෂණය සඳහා උසස් නිලධාරීන් 48 දෙනෙකු සහ පරීක්ෂණ ශ්‍රේණි නිලධාරීන් 769 දෙනෙකු ද රාජකාරියට එක්කර තිබෙනවා.
මේ අතර බස්නාහිර පළාත තුළ පමණක් ආරක්ෂාව වෙනුවෙන් පොලිස් නිලධාරීන් 6,500කට අධික පිරිසක් යොදවා ඇති බවයි පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී බුද්ධික මනතුංග පැවසුවේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
