ඊශ්රායලය විසින් ඉරානයේ ටෙහෙරාන් අගනුවරට මිසයිල ප්රහාරයක් එල්ල කර තිබෙනවා.
මෙම ප්රහාරයත් සමඟ ඇති විය හැකි තත්ත්වයන් සලකා බලා ඊශ්රායලය තුළ හදිසි තත්ත්වයක් ප්රකාශයට පත් කිරීමට එරට රජය කටයුතු කර ඇති බවයි විදෙස් වාර්තා කළේ.
ඊශ්රායල ගුවන් හමුදාවට අයත් ප්රහාරක යානා ගණනාවක් යොදා ගනිමින් ඉරානයේ ටෙහෙරාන් අගනුවර සහ ප්රධාන න්යෂ්ටික මධ්යස්ථාන පිහිටි නටාන්ස් සහ ෆෝඩෝ ප්රදේශ වෙත මෙම ප්රහාර එල්ල කර ඇති බවයි වාර්තා වන්නේ.
විදෙස් වාර්තා සඳහන් කරන්නේ මෙම ප්රහාර සඳහා අමෙරිකාවේ සහායද ලැබී ඇති බවයි.
මේ අතර අද (28) උදෑසන ඉරානයට එල්ල කළ මෙම ප්රහාරයෙන් පසු ඊශ්රායලය සිවිල් ගුවන් ගමන් සඳහා තම ගුවන් කලාපය වසා දමා ඇති බව ඊශ්රායල මාධ්ය වාර්තා කරනවා.
ඉස්ලාමීය විප්ලවවාදී ආරක්ෂක බලකායට සම්බන්ධ තස්නිම් ප්රවෘත්ති ඒජන්සිය වාර්තා කරන්නේ ඉරානයේ ගුවන් කලාපය ද වසා දමා ඇති බවයි.
