ඉරාන විප්ලවවාදී ආරක්ෂක බලකායේ ප්රධාන නායකයින් පිළිබඳ තොරතුරු ලබාදෙන ඕනෑම අයෙකුට එක්සත් ජනපදය ඩොලර් මිලියන 10ක් දක්වා ත්යාග පිරිනමන බව ඇමරිකානු රාජ්ය දෙපාර්තමේන්තුව නිවේදනය කර තිබෙනවා.
එක්සත් ජනපද රාජ්ය දෙපාර්තමේන්තුව විසින් නිකුත් කරන ලද දැන්වීමක විශේෂයෙන් පුද්ගලයින් 10 දෙනෙකු සඳහන් කරන අතර ඉන් හයදෙනෙකු පමණක් නම් කර ඇති ආකාරය දැකගත හැකියි.
ඔවුන් අතර නව උත්තරීතර නායක මොජ්තාබා කමේනි සහ උත්තරීතර ජාතික ආරක්ෂක කවුන්සිලයේ ලේකම් අලි ලරිජානි ද සිටිනවා.
මේ අතර ඉරානයට අයත් කාර්ග් දූපතට බෝම්බ දැමූ බව ඇමරිකානු ජනාධිපති ඩොනල්ඩ් ට්රම්ප් පවසනවා.
ඉරානයට හිමි කාර්ග් දූපතේ සෑම හමුදා ඉලක්කයක්ම මුළුමනින්ම විනාශ කළ බවයි ට්රම්ප් ජනාධිපතිවරයා පවසන්නේ.
“මම දිවයිනේ තෙල් යටිතල පහසුකම් අතුගා දැමීමට තෝරාගෙන නැත. කෙසේ වෙතත්, ඉරානය හෝ වෙනත් කිසිවෙකු හෝ හෝමූස් සමුද්ර සන්ධිය හරහා නැව් නිදහස් හා ආරක්ෂිතව ගමන් කිරීමට බාධා කිරීමට කිසිවක් කළහොත්, මම වහාම මෙම තීරණය නැවත සලකා බලමි,” ට්රම්ප් ජනාධිපතිවරයා තවදුරටත් පවසා සිටියා.
එමෙන්ම ඔහු ඉරානයෙන් ඉල්ලා සිටියේ තම ආයුධ බිම තබා ඔවුන්ගේ රටේ ඉතිරිව ඇති දේ බේරාගන්නා ලෙසයි.
