ඉන්දීය ක්රිකට් පාලක මණ්ඩලයේ සභාපති සෞරව් ගංගුලි විසින් ඉන්දීය පිතිකරු විරාට් කෝලිට අවසන් පණිවුඩය ලබා දී ඇති බව ඉන්දීය මාධ්ය වාර්තා කරනවා.
“ඉන්දියාවට පමණක් නොව තමාටත් ලකුණු රැස් කළ යුතුයි” යනුවෙන් එහිදී ගංගුලි පවසා ඇති බවයි වාර්තා වන්නේ.
නිමා වූ අයි.පී.එල්. තරගාවලියෙන් පසු වයිට්බෝල් පැවරුම් හතරක් විවේක ගන්වා සිටි කෝලි, ඔහුගේ ආධිපත්යය යළි පැතිරීමේ අරමුණින් ආසියානු කුසලාන තරගාවලියට එක්ව සිටිනවා.
එවන් පසුබිමකයි ඉන්දීය ක්රිකට් පාලක මණ්ඩලයේ සභාපති සෞරව් ගංගුලි විසින් මෙම ඉන්දීය පිතිකරුවාට අවසන් පණිවුඩය මෙලෙස ලබා දී ඇත්තේ.
තම දක්ෂතා යළි පෙන්වීමට ආසියානු කුසලානය කෝලිට හොඳ අවස්ථාවක් වනු ඇතැයි තමා බලාපොරොත්තු වන බව ගංගුලි එහිදී පවසා තිබෙනවා.
මේ අතර 2019 වසරේ නොවැම්බර් මාසයෙන් පසු අද දක්වා කෝලිට කිසිඳු තරග ආකෘතියක ශතකයක් වාර්තා කිරීමට නොහැකිව ඇති අතර, එම කාලය ඔහුගේ ජාත්යන්තර ක්රිකට් ක්රීඩාවේ දින 1000ක් ඉක්මවා ගොස් තිබීම ද විශේෂත්වයක්.
එමෙන්ම බොහෝ ප්රවීණයන් අදහස් දක්වමින් සඳහන් කර සිටියේ කොලිට යළි දක්ෂතා අතරට පැමිණීමය නම් වැඩි කාලයක් ඔහුව විවේක ගැන්විය යුතුය යන්නයි.
මේ අතර විරාට් කෝලි ආබාධයකට ලක්වීම හේතුවෙන් ආසියානු කුසලාන තරගාවලියෙන් ඉවත් යන බවට පසුගියදා අසත්ය පුවතක් ද සමාජ මාධ්යයේ පළවුණා.
